vælg et emne
... sammisaq toqqaruk

Kigutinik narlorissaaneq

Paasissutissat eqqortut
Kigutit inissisimanerinik aaqqissuussinermut atatillugu isumaliutersuutissatit matumani takusinnaavatit  
ataani paasissutissiissut quppersakkami uani aamma atuarneqarsinnaavoq. 


Sooq kigutit narlorissarneqassappat?
Pisariaqartumik  narlorissarneqartussaagaluit  narlorissar- neqanngikkunik ataavartumik innarlerneqarsinnaanerat pinaveersaarniarlugu. Imatut inissisimasut assersuutigalugit:
• Alleqqut imminnut kipungasumik inississimappata
• Kigutit equngasumik kiisarsimappata
• Kigutit ingasattumik eqqungappata

Kigutinik narlorissaaneq ukuninnga iluaqutissartaqarpoq
• Alleqqut nagguaasa nikisinneqannginnerat, ikkiit nukiillu akornuserneqannginnerat
• Pitsaanerusumik kiisisalerneq aamma tamualluarsinnaaneq
• Kigutit annersinnissaannut annikilliliineq

 

Kigutit narlorissartinnissaannik aalajangertinnasi
Kigutit narlorissartinnissaannik aalajangertinnasi eqqar- saatigilluaqqissaartariaqarparsi, tassami narlorissartinneq ukiuni arlalinni ingerlanneqarsinnaammat kigutileriffimmi sulisut qanittumik suleqatigineratigut.

Kusanartumik angusaqarniaraanni pingaaruteqarluin- narpoq narlorissaatit atornissaannut innersuutit malinne- qarnissaat.
Taamaattumik pingaaruteqaqaaq angerlarsimaffiup tapersersuilluarnissaa  pissusissamisullu  ingerlasoqanngip- pat kigutileriffimmut attaveqartarnissaq.

Kigutinik narlorissartinneq arlaatigut nalorninartoqartuaannarpoq soorlu ukuninnga
• Kigutit narlorissaataannik atortoqartilluni kigutit peq- qissaarullugit salittanngikkaanni putunissaat ikkinnillu aseruuttoornissaq  qanittuarakasiusarluni.
• Narlorissartinnermi kigutit manngui naalisinnaapput, ingammik siornatigut annersinneqarsimappata kigutillu puttunnerminni manngui naatsooreerpata.
• Qaqutigooraluartumik kigutip sianiutaa toqusinnaavoq. (kingunerisinnaavaa kigutip mannguani sulluata sianiu- taajarneqarnera).

  

Bøjle-taaraanni

Kigutit bøjlillu salilluarneqarnissaat pingaaruteqarto- rujussuuvoq piffissamillu atuinaqaluni!
Nerisassat manngertut mattusuullu nerineqaqqu- saanngillat. Naatitat manngertut kuloruujullu mikisun- nguanngorlugit aggorlugit nerineqartassapput.
Naatsorsuutigisariaqarpoq kigutit ilaatigut anner- nartarsinnaaneri bøjlillu siggunnut, ulussanut ikkinullu ippinnartitsisinnaaneri.
Pingaaruteqarluinnarpoq aggersarneqarnermut pif- fissaliussat malinneqarnissaat. Aggersinnaanngikkaanni nalunaapallattarnissaq piffissamillu nutaamik pinissaq pingaaruteqarpoq.
Bøjle aserorpat kigutileriffik piaartumik attavigine- qassaaq aseqqukuilu nassarneqassallutik.
Kigutit bøjlillu eqqiluisaarnissaannut atornissaannul- lu innersuutit malinneqanngippata pisariaqalersinnaavoq narlorissaaneq maangaannaq unitsiinnartariaqartoq.
Taamatuttaaq aggerfissat malinneqanngippata takku- tinngitsooqattaaraannilu narlorisartinneq maanaannaq kipitinneqassaaq.

 

Kigutinik narlorissaaneq piffissani marlunni ingerlanneqartarpoq
Piffissaq siulleq tassaavoq kigutit inissavimminnut inissinneqarneri, bøjlenik ataannartunik imaluunniit peertakkanik atuinikkut. Piffissami tassani qaammam- mut ataasiarluni aggertarnissaq pisariaqarpoq. Narlo- rissaanerup sivisussusaa assigiingissinnaasarpoq nali- nginnaavorlu ukiunik marlunnik sivisussuseqarsinnaanera.
Piffissap  aappaa  tassaavoq kigutit nutaatut inissisima- nerisa ataavartuutinnissaat. Piffissaq taanna minner- paamik ukiuni marlunni ingerlanneqartarpoq ilaatigulli sivisunerusinnaasarluni. Piffissami tassani akuttune- rusunik nakkutiginninneruneq aallaavigalugu misissor- tikkiartortarnissaq  taamaallaat  pisariaqartuuvoq.

  

Attavissaqqittut
Illoqarfinni kigutilerivik attavigiuk

PDF-iliariukEmbed

Allaaserisaq nittartakkannut iliguk (Embed)

"Kigutinik narlorissaaneq". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk