vælg et emne
... sammisaq toqqaruk

Aningaasanoorajuttuuneq

Paasissutissat
Aningaasanoortarneq Kalaallit Nunaanni ulluinnarineqarpoq, amerlanernullu ajornartorsiutaanngilluinnarluni. Inuit ilaannut pinnguarneq ima tiguartiffiutigisarpoq aqussinnaajunnaartarlugu inuunerannilu initoorujussuanngortarluni.
Ingasattumik aningaasanoortarneq amerlaqisunik ajortunik kinguneqartarpoq, aningaasanoortartumuinnaanngitsoq avatangiisaanulli aamma.
Aningaasanoortarneq ajornartorsiutinngoraangat aningaasanoorajuttuunermik taaneqartarpoq. Aningaasanoorajuttuugaanni sulisarnerup ilaqutariinnilu inooqataanerup attattuarnissaat ajornakusoorsinnaavoq, amerlaqisullu ernumassutigisaqaat aningaasarpassuit aningaasanoornerminni atugassatik qanoq ilillugit pissarsiarissanerlugit.

Aningaasanoorajuttuuneq atornerluisuunernit allanit allaanerussuteqarpoq, inuit qiviaannarlugit takuneqarsinnaasanngimmat aningaasanoorajuttuunersut.
Imerajuttunit aanngajaarniutinillu allanik atornerluisuusunit aningaasanoorajuttup allaassutigaa ajornartorsiuteqarnera takujuminaatsuummat, tassami aningaasanoortilluni aalakuulersaranilu ikiaruulerneq ajormat imigassarsunnissananilu.


Aningaasanoorajuttunngorsimavit?
Imaassinnaavoq aningaasanoorajuttunngorsimasutit pissutsit makku arlaat ilisarisinnaagukkit:

Pinnguarneq tiguartisimaffigingaarakku pinnguartillutit imaluunniit pinnguarnissaq eqqarsaatigitillugu avatangiisitit puigorluinnartarpatit.

Aningaasanik amerlanerusunik atuisariaqarputit pissangajumallutit.

Pinnguarnerit taamaatittariaqarukku eqqissiveerutissaatit isumalulerlutilluunniit.

Pinnguartarputit ulluinnarni ajornartorsiutitit eqqarsaatiginnginniassagakkit.

Pinnguarfigisimasannut uteqqittarputit ajunaarutigisimasatit utertinniarniassagakkit.
Ilaquttatit qanigisatillu salloqittartarpatit aningaasanoortarnerit isertuunniarlugu.

Pinerlussimavutit, assersuutingalugu dankorti ileqqorluutigalugu, tillinniarsimavutit imaluunniit aningaasanit paarisannit tillissimallutit.

Ikinngutinnik annaasaqarsimavutit imaluunniit ikinngutigiinnerit, suliffiit ilinniarnerilluunniit navianartorsiortissimavatit aningaasanoortarnermik patsiseqartumik.

Aningaasaqarniarnermi ajornartorsiutit aningaasanoortarnerinnarmik patsiseqartumik inissisimalerfigisimasatit allanut, ilaquttannut sullissivinnulluunniit aaqqiivigisassanngortillugit qimarratigisimavatit.

Aningaasanoorajuttuunerit arlaleriarujussuarlutit aqunniartarsimagaluarpat imaluunniit unitsivinniarsarisarsimagaluarpat iluatsitsissanallu.

Imminut misiligit
Center for Ludomanip misiligutaa uani misilissinnaavat
http://ludomani.dk/spiller/test-dig-selv


Neqeroorut
Aningaasanoortarnermik pinngitsuuisinnaajunnaarsimasoralutit ernumaguit katsorsartinnissaq siunertaralugu peqqinnissaqarfimmi sulisut imaluunniit kommunimi isumaginninnermi sullissisoq saaffigisinnaavatit.


Nammineq qanoq iliorsinnaavunga?
Inuusuttuuguit ajornartorsiuteqarnerlutillu ernumassutigalugu, pitsaassaaq inersimasumik toqqissisimaffigisannik oqaloqateqaruit.
Tassaasinnaavoq ilinniartitsisoq, perorsaasoq, anaanat, ataatat allaluunniit, ikiorneqarnissamik pisariaqartitsininni tapersersortigisinnaaniassagakkit.

Erseqqissumik paasissutissinneqarit
www.mio.gl
Meeqqat inuusuttuaqqallu nittartakkamut iserlutik kinaassusertik taanngikkaluarlugu ajornartorsiuteqarunik chattersinnaapput, siunnersorneqarlutillu ullut 2-3 qaagiuppata.
Apeqqutit akissutillu allanut iluaqutissanngorlugit sakkussatut nittartakkami kiminngaanneerneri oqaatiginagit atorneqarsinnaapput.

1899 – SMS-ikkut siunnersuineq
Ammasarpoq: Ataasinngorneq - Tallimanngorneq 16 – 18
Akeqanngitsumik meeqqanut inuusuttunullu SMS-ikkut attavik – inersimasumik siunnersuisinnaasumik allaqateqarit.

Oqaloqateqarit
Allat taamatut ernumassuteqartut ilaquttaminnik oqaloqateqarnertik iluaqutigisinnaavaat ikiortissarsiorlutillu peqqinnissaqarfik, kommuni Katsorsaavilluunniit aqqutigalugit.


Saaffiginniffissat
Peqqinnissaqarfik
 Kommuni
Katsorsaavik

Paasiniaaffissat
Center for Ludomani

 

PDF-iliariukEmbed

Allaaserisaq nittartakkannut iliguk (Embed)

"Aningaasanoorajuttuuneq". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk