vælg et emne
... sammisaq toqqaruk

Naamaartarneq pillugu

PAASISSUTISSAT

Naamaartarneq imigassartortarnermiit navianarnerujussuuvoq. Angivallaartumik pisoornissaq annertuvoq aanngajaartitsissutaasup toqunartunitsitsisullu annertussusaasa assigiinngissutaat annikitsuararsuummat. Naamaarnermut atatillugu ajoqusertarnerit amerlaqaat, pingaartumik ikuallattoornerit, naamaarutaasartut ikuallajasuukkajuttuummata.
Naamaarnikkut aanngajaalertarneq imigassartornikkut aalakuulertarnermut assinguvoq. Uissanngulersinnaavutit, nalornisumik aalaaseqalissaatit, qiimmassimaalissaatit piumasaannannillu oqalulerlutit. Sukasimaalersinnaavutit annilaanganermillu misigisaqarlutit. Naamaakulaguit takorruuisalersinnaavutit piviusuunngitsunik isigisaqarlutillu misigisaqarsinnaallutit.
Aanngajaarneq qaangiupat qasulissaatit sorusussuseerullutillu, niaqunngulissaatit immaqalu merianngulerlutit meriarlutillu. Aammattaaq nalinginnaavoq sinnarliornissat sinnattupilunnissallu.
Naamaarnerup anersaartornerit sunnissavaa anersaartorunnaarsinnaallutillu. Aammattaaq naamaarnerup uummatip tillernera sunnertarpaa tassanngaannartumillu uummat uneriataarsinnaavoq. Piffissaq sivitsortoq naamaartarsimaguit qaratsat ilikkagaqarsinnaanerillu ajoquserneqarsinnaapput.


NEQEROORUT

MIO

Ersarissumik paasisaqarneq uani www.mio.gl
Meeqqat inuusuttullu nunatsinni suminngaanneersuugaluilluunniit www.mio.gl- imi chattikkut ajornartorsiutitik pillugit kinaassutsiminnik isertuussillutik nalunaaruteqarsinnaapput, ullullu marluk-pingasut iluanni akineqartarput siunnersorneqarlutillu. Apeqqutit akissutillu ilisarnarunnaarsillugit nittartakkamut inissinneqartarput, meeqqat inuusuttullu assingusunik ajornartorsiutillit allat aamma akissutisisinnaaniassammata.

1899
1899 – SMS-ikkut siunnersorneqarneq
Ammasarfii: ataasinngornermiit tallimanngornermut nal. 16-18
Nuna tamakkerlugu Meeqqanut Inuusuttunullu SMS-ikkut attavissaq akeqanngitsoq – inersimasumik siunnersuisinnaasumik allaqateqarit.


NAMMINEQ QANOQ ILIUUSEQARSINNAAVUNGA

Inersimasoq toqqissisimaffigisat saaffigiuk, tassaasinnaapput angajoqqaat, ikinngutip angajoqqaavi, klassissinniluunniit ilinniartitsisoq, taamaalillutit naamaartarnerpit unitsinnissaanut ikiorneqarlutillu tapersersorneqarsinnaaniassagavit.


QANIGISAT

Angajoqqaatut qanigisatulluunniit pingaaruteqarpoq meeqqap naamaartarnera pasitsaassimagukku oqaloqatiginissaa, aammalu meeqqap ikinngutaasa angajoqqaavi saaffigalugit, ilimanarluinnarmat peqatigiittartuni ataaseq naamaartarpat allat aamma naamaartassasut.
Meeqqavit klassimi ilinniartitsisua, angajoqqaat allat inuusuttaallu saaffigikkit naamaartarneq klassimi iliuuseqarfigineqarniassammat. Aamma kommunimi pinaveersaartitsinermi siunnersortip akuliutitinnissaa periarfissaasinnaavoq.

Meeqqavit qanoq oqaloqatiginissaanut siunnersuutitsialaat
Meeqqavit ullut tamaasa oqaloqatigilluartarneratigut pinaveersaartitseqataasinnaavutit ajornartorsiutinullu aaqqiissuteqaqataallutit. Meeqqat naamaartartoq pasitsaakkukku pissutsit sunniiffigisinnaavatit meeqqavit oqaloqatigineratigut.

Ulluinnarni attaveqaqatigiinneq nukittorsaruk

• Meeqqatit piffissaqarfigikkit, sulerisarnerinillu, aamma ilagiinngiffissinni, soqutiginninnerit ersersittarlugu. Peqatigiillusi arlaannik susaqartaritsi.
• Meeqqat malittarisassioqataatiguk – eqquutsinneqartarnissaannut kajumissaataassaaq. Malittarisassiat aalajangiusimakkit malinneqanngippatalu kingunissai ersarissuutikkit.
• Pissutsit ajunngitsumik ingerlatillugit iluarisimaarinninnerit ersersittaruk, ingerlalluartullu aaqqiissutitsialaallu ersersilluartakkit. Meeqqavit imminut tanngassimaarutiginissaminut pissutissaqarnera ersersittaruk.
• Meeqqavit oqaloqatiginissaanut periarfissaalersartut maluginiartakkit. Tassaasinnaapput tv-kkut aallakaatitassiaq, atuarfik ferstertarnerilluunniit oqaloqatigiissutigineranni, imaluunniit oqaluuseriuminaatsumik oqaloqatigiissuteqartillusi.
• Illit tusarnaarluartaruit meeqqavit aamma tusarnaarusunnerussavaatit.
• Illit inersimasuunerit ersersittaruk: eqqissisimallutit, eqqarsarluarlutit sakkortuumillu qisuariarnaveersaarlutit. Oqaaqqissaarisutut nikaginnittutullu pissusilersornaveersaarit. Kamariataarnerup oqaloqatigiinnerugaluaq unitsissavaa.
• Unneqqarissuugit isummatillu ersarissumik oqaatigisarlugit – taava meeqqat ilinnut unneqqarissinnaanerussaaq.
• Oqaloqatigiilluarnerup ingerlatiinnarniarnissaa pingaaruteqarpoq. Oqallinnissamut tunngavilersuutaanullu ammallutit ersersiguk.
• Inuusuttup isummersuutai akueralugit ersersiguk – naatsorsuutigalugulu illit isummersuutit meeqqavit aamma akuerissagai. Aporaattoqalissappat oqaloqatigiinneq unitsiguk eqqissinerugussilu nangeqqillugu.
Paasisaqarfigisaq: Sundhedsstyrelsen og komiteen for sundhedsoplysning (DK-mi Peqqissutsimut Aqutsisoqarfik aamma peqqinnissap qaammarsaassutigineranut komite)


SAAFFIGINNINNISSAMUT PAASISSUTISSAT

https://sundhedsstyrelsen.dk/da/sundhed/narkotika/snifning

http://sundhedsstyrelsen.dk/publ/publ2007/CFF/snifning/pjece_snifning.pdf

www.netstof.dk

www.sst.dk

www.sundhedsoplysning.dk


Peqqimmi quppernerit allat

Naamaarneq pillugu suna nalunngiliuk?

 

PDF-iliariukEmbed

Allaaserisaq nittartakkannut iliguk (Embed)

"Naamaartarneq pillugu". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk