Juulli 2017-mi atuartut akullerniittut tamarmik Peqqissutsimut Naalakkersuisoqarfimmit aalisakkanik iganermut ilitsersuummik: ”Aalisa – Igasa – Nerisa” tunissutisipput. Atuagaq taanna atorlugu meeqqavit nammineerluni mamartunik peqqinnartunillu tamassinnut iganissaminut atortussaqarluarpoq. 

Aalisagaq nioqqutissiaavoq pitsaalluinnartoq peqqinnartorlu, sapaatillu akunneranut arlaleriarluni aalisakkamik nerisarnissaq pissutissaqarluarpoq. Aalisakkanik aalisakkanillu qallersuusianik akuttunngitsumik Nerisaqarnermut Timersornermullu Siunnersuisoqatigiit nerisarnissarput innersuussutaasa qulit ilagaat. Oqariartuut pingaarutilik tamanna aalisakkanik nerisassiornermut najoqqutassap ”Aalisa – Igasa – Nerisa” siammarternissaanut peqataassaaq.