vælg et emne
... sammisaq toqqaruk

Aallakaatitassiat - Nerisaqarnermut innersuussutit

Maani takusinnaavaatit aallakaatitassiat "Nerisaqarnermut innersuussutit qulit" Paarisa-miit paasisitsiniutitut saqqummersinneqarnikut.

 

1. Allanngorartunik nerisarit
Innersuussut siulleq pingaarnerpaarlu.

 

2. Kalaallit nerisassaataannik nerisarit
Akulikitsumik aalisakkanik aalisakkanillu qallersuusianik.
Ukiup ingerlaarnera malittariuk aamma immami nunamilu uumasut paarlakaajaattakkit.
Nunatsinni paarnat naatitallu atortakkit.
Ullup qeqqasiornermi aalisakkanik qallersuusiat aamma atortakkit.

 

3. Paarnanik naatitanillu ullut tamaasa nerisarit
Suliartuleraangavit imaluunniit atuariartuleraangavit paarnamik naatitamilluunniit nassartarit.
Kissartunik nerinermi tamatigut naatitanik akoqartinnissaat ileqquliutiguk.
Paarnat naatitallu qerisut nutaatulli pitsaatigaat.

 

4. Iffiukkanik seqummarluttunit nerisarit
Iffiukkanik seqummarluttunik sanaanik, issingigassanik suaasanillu ullut tamaasa nerisarit, naatsiiat qaqorteqqasut pastalluunniit akulikitsumik pisakkit.
Iffiat iffiukkanit qaqortunit qaarsillarnarnerupput. Knækbrødit seqummarluttunit sanaat aamma pitsaanerupput.
Qaqorteqqasut, pastat naatsiiallu kissartunik nerinermi paarlakaajaattakkit.

 

5. Eqqarsarluarlutit orsutortarit
Orsoq sipaaruk:
Iffiugartugassavit taninnerani tarnut kiliortortaruk.
Immuk, immussuaq, neqit qallersuutissallu annikitsumik orsullit toqqartakkit.
Iganermi naasunit margarinaliaq imaluunniit naasunit olialiaq atortakkit.

 

6. Sukkunik annikinnerusumik nerisarit
Sukkunik, mamakujuttunik, chipsinik kaaginillu annikinnerusumik nerisarit.
Sukkoqanngitsumik imaluunniit annikinnerusumik sukkulimmik kaffisortarit tiitortarillu.
Paarnat iffiukkallu mamakujuttunit, chipsinit kaaginillu qaarsillarnarnerupput.
Sapaatip akunnerani ulloq ataasiinnaq chipsitortarit mamakujuttutortarillu.

 

7. Imermik imertarit
Imermik imertarit – annikinnerusumik saftimik sodavandinillu imertarit.
Imeq kuummeersoq ruujorineersorluunniit nillaarissoq imertaruk.
Saftit sodavandillu annertuumik sukkoqarput taamaattumillu piffissani immikkut ittuni akuttusuumik atortarnissaat innersuussutigineqarpoq.

 

8. Akulikitsumik nerisarit
Akulikitsumik nerisarit, ingasaannaguli.
Ullormut pingasoriarlutit nerinerni pingaarnerni nerisarit.
Ullaakkorsiornikkut ulloq aallartilluarnerpaajusarpoq.
Aamma ullup ingerlanerani annikitsukkaarlugit nerisarit, paarnaq imaluunniit naatitaq, knækbrød imaluunniit aalisakkat panertut.

 

9. Ullormut akunneq ataaseq aalasarit
Ullormut minnerpaamik nal.ak. ataaseq aalasarit.
Aalaneq tassaasinnaavoq pisulluni/sikkilerluni suliartortarneq, piniariarneq, eqqiaaneq, timersorneq, arsalerineq allarpassuillu.

 

10. Suut nerinerlugit eqqarsaatigisaruk
Nerisarnermi ileqqorisatit niuerniarnermi aallartittarput. Peqqinnartunik pisisarit.
Meeqqatit peqatigalugit igasarit.
Unnukkut nerineq ilaqutariinni katersuuffinngortiguk.

 

 

 

DVD
DVD "Nerisaqarnermut innersuussutit qulit" paarisa@nanoq.gl -imi inniminneerneqarsinnaavoq.

Allagartaq amitsoq
Allagartaq amitsoq nerisaqarnermut innersuussutit qulit

 

PDF-iliariukEmbed

Allaaserisaq nittartakkannut iliguk (Embed)

"Aallakaatitassiat - Nerisaqarnermut innersuussutit". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk