vælg et emne
... sammisaq toqqaruk

Pujortartarneq naartunerlu

PAASISSUTISSAT

Pujortartarneq ilinnuinnaanngitsoq aammali meerartaassannut navianartorsiortitsinerpaat ilagaat. Naartunerpit nalaani pujortartaruit akuutissat akornusiisartut puannut pisartut amerlanersaat naartuit arlaakkut pisassavai. Kulilti cigarettip pujuaneersoq aap aappaluttortaanut nipputtarpoq, taamalillunilu ilti peersillugu ajanneqartarluni. Tamanna isumaqarpoq naartut iltimik amigaateqalaartuaannassasoq, pujortartuunngitsumit naartugineqarnerminut naleqqiullugu.
Tupami nikotinip taqqatit eqitsittarpai taamaalilluni naartuit aammik pilersorneqarnera annikinnerulluni. Nikotinip aamma naartuit qarasaa ineriartortoq innarlertarpaa. Ilisimatusarnerup takutippaa naartunerpit nalaani naartut nikotinimik pilersorukku meeraq inuunermini kingusinnerusukkut ilikkarumaataarnerussasoq pissusilersornerminilu ajornartorsiuteqassasoq. Taakkua saniatigut meeqqat peroriartornermini inuusuttuaranngornini tikivillugu nikotini ajortiassutigissavaa, taamaalillunilu tupamik ajornannginnerusumik pinngitsuuisinnaajunnaarsinnaalluni.
Aammattaaq meeqqat siulluttuunissaminut, anersaartuutimigut aseruuttoortarnissaminut, astmaqalernissaminut sapigaqalernissaminullu qaninnerussaaq. Taamaapportaaq meeqqat inunngoreernermi kingorna tupap pujuanik naamatinneqartaruni.


NEQEROORUT

Pujortartarunnaarnissamut kaammattorneqarlutillu siunnersorneqarusukkuit uani paasisaqarnerugit.


NAMMINEQ QANOQ ILIUUSEQARSINNAAVUNGA

Illit nammineq meeqqallu peqqissuussagussi inassutigaarput naartulinnginninni pujortartarunnaassasutit. Imaluunniit minnerpaamik pujortarnaveersaassasutit ininiluunniit pujortarfiusuniinnaveersaassasutit. Tamatuma saniatigut ernereernerpit kingorna meeqqat angerlarsimaffissinni avataaniluunniit tupap pujuanik najuussuinissaanut illersussavat.
Pujortarunnaavinnissat iluatsinngippat pujortartakkavit ikilisinniarnissaat misilissinnaavat. Annikitsumik pujortartarneq annertuumik pujortartarnerminngarnit pitsaaneruvoq, pujortarunnaavinnerli ilinnut meeqqannullu pitsaanerpaamik sunniuteqassaaq.


QANIGISAT

Aappariiugussi tamassilu pujortartarussi angajoqqaanngornissarsilu kissaatigalugu, naartulernissaq sioqqullugu pujortarunnaarnissarsi isumassarsiatsialaavoq. Ataatsimoorussamik anguniagaqarnermut – tassalu pujortartartuunani angajoqqaanngornissamut immissinnut pitsaasumik tapersersoqatigiissaasi ikioqatigiillusilu. Tamanna meerartaassi inuunerminik pitsaanerpaamik aallarniinissaanut tunngavissiissaaq.


SAAFFIGINNINNISSAMUT PAASISSUTISSAT

Najukkanni pujortartarneq pujortarunnaarsitsiniarnermilu neqeroorutit pillugit apeqqutissaqaruit – pinaveersaartitsinermi siunnersortersi saaffigiuk.


Iliuusissaq

Pujortartarnerup pinaveersaartinneqarnissaanut iliuusissat 2012-2013


Nittartakkat:

liv.dk

xhale.dk

Kræftens Bekæmpelse

Sundhedsstyrelsen

Stoplinien

Kvit.dk

 

PDF-iliariukEmbed

Allaaserisaq nittartakkannut iliguk (Embed)

"Pujortartarneq naartunerlu". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk