vælg et emne
... sammisaq toqqaruk

Nakorsaatit > Akiuussutissat

Meeqqanik akiuussutissiineq

 

Kalaallit Nunaanni meeqqat tamarmik akiuussutissinneqarnissaat Kalaallit Nunaanni meeqqanik akiuussitissiisarnermut najoqqutassaq naapertorlugu akeqanngitsumik neqeroorutaavoq. Nappaatinut tuniluuttunut aqqanilinnut(niviarsiaqqani aqqaneq marlunnut) akeqanngitsumik akiuussitissinneqarnissaq neqeroorutaavoq. Meeqqanik akiuussutissiisarnermi najoqqutassaq Nunatsinni Nakorsaaneqarfiup nittartagaani takuneqarsinnaavoq.

 

Angalanissamut akiuussutissinneqarneq akiuussutissiinerillu allat

 

Akiuussutissat meeqqanik akiuussitissiisarnermi najoqqutassamut ilaanngitsut innuuttaasup nammineq akiligassarai.

Angalanissanut atatillugu akiuussutissat akiuussutissallu meeqqanik akiuussutissiisarnermi najoqutassami ilaanngitsut napparsimmavinni peqqissaavinnilu aalajangersimasumik toqqortaatigineqanngillat. Taamaammat akiuussutissap pissarsiarinissaa siunertaralugu nakorsamut nakorsaatilerisumullu attaveqarnikkut, allagartamik pissarsinissaq minnerpaamillu sap. ak. tallimat sioqqullugit akiuussutissinneqarnissap inniminnernissaa innersuussutaavoq.

Angalanissamut atatillugu akiuussutissat suut innersuussutaasinnaanerat pillugu siunnersuisoqartanngilaq; tamatumunnga tunngatillugi Statens Serums Institutip nittartagaa innersuussutaavoq.

Akiuussutissat inniminnerneqarneranni akilerneqassapput. Akiuussutissat akii uani takukkit. Akiuussutissaq piniagaq nalunaarsukkat akornaniinngippat, nakorsaataasivik attavigineqassaaq.

 

Nuummi Nunatta Nakorsaataasiviani aningaasanik kortimillu akiliisoqarsinnaavoqt (Akiliut, Dankort, VISA, Mastercard allallu). Sumiiffinni allani tamani aningaasanik akiliisoqassaaq.

 

Nualluummut influenzamut akiuussutissinneqarneq

 

Ukiut tamaasa nualluummut akiuussitissaq oktobarip aallartisimalernerani pissarsiarineqarsinnaanngortarpoq. Tamatuma kingorna utoqalinersialinnut, anigugassaanngitsumik nappaatilinnut nakorsallu naliliinera naapertorlugu napparsimasunut allanut akeqanngitsumik neqeroorutaasarpoq.

Allat akiuussutissinneqarnissaq kissaataappat namminneq akiligassaraat. Akiuussutissat akii nioqqutissiarineranut aningaasartuutit apeqqutaallutik assigiinngiiaarput 100 koruunilli missaannik akeqarlutik.

Nuummi Nunatta Nakorsaataasiviani aningaasanik koortimillu akiliisoqarsinnaavoq (Akiliut, Dankort, VISA, Mastercard allallu). Sumiiffinni allani tamani aningaasanik akiliisoqassaaq.

 

Suliffimmut atatillugu akiuussutissiineq

Akiuusutissat sulianut attuumassuteqartut sulisitsisumut akiliisumut imal. akiliinissamut isumaqatigiissutaareersumut tunngatillugu uppernarsaanikkut akiliinissamullu paasissutissanik tunniussinikkut tunniunneqartarput. Tamanna ass. qimminik toqoraasartunut, eqqaavilerisunut, peqqinnissakkut sullissisunut uumasullu nakorsaannut atuuppoq.

Akiuussutissat akii uani takuneqarsinnaapput. Akiuussutissanik inniminniinissaq pillugu nakorsaataasivimmut attaveqarnissat eqqaamajuk.