vælg et emne
... sammisaq toqqaruk

Nappaatinut akiuussutissat

Akiuussutissat tamarmik nakorsamit inassuteqaataasarput.

Meeqqanik akiuussutissiisarnermut maleruagassiaq
Akiuussutissat, meeqqanik akiuussutissiisarnermut ilaasut akeqanngillat. Uani meerara akiuussutissinneqassaaq paasisaqarnerugit. 

Sulisunik akiuussutissiineq
Akiuussutissat, suliffimmut tunngatillugu tunniussat sulisitsisumit akilerneqartarput. Akiuussutissinneqartartunut ilaapput eqqaavilerisut/anartarfilerisut, qimminik toqoraasut, peqqinnissakkut sullissisut uumasullu nakorsaat.  

Nunanut allanut angalanissaq sioqqullugu akiuussutissiineq
Nunanut allanut angalanissamut atatillugu meeqqanut inersimasunullu akiuussutissat angalasussamit akilerneqartarput. Akiuussutissanik tamanik sillimmateqartuaannannginnatta, akiuussutissat pissarsiariniarnissaat pillugu aallarnissaq minnerpaamik sap. ak. tallimanik sioqqullugu allagartalerneqaqqulutit nakorsamut attaveqarnissat innersuussutigaarput.

Nunanut allanut angalanissaq sioqqullugu akiuussutissanut akiliineq
Nuummi Dankort Visakortilu akiliinermi atorneqarsinnaapput. Mastercard atorneqarsinnaanngilaq. Qitiusumik immikkoortortani akiuussutissat aningaasanik akilerneqassapput. Akiuussutissat akii attavimmi uani takusinnaavatit.

Nualluummut Influenzamut akiuussutissinneqarneq
Nualluummut akiuussutissaq oktobari qaammat pissarsiarineqartarpoq. Nalunaaruteqarnikkut utoqqalinersiallit, anigugassaanngitsunik nappaatillit allallu nakorsap naliliineragut akeqanngitsumik akiuussutissinneqarnissamik neqeroorfigi-
neqartarput. Allat tamarmik nakorsap allagartaliineragut akiliillutik akiuussutissinneqarsinnaapput. 

Nunani allani nappaatinut akiuussutissanik kapitittarneq
Nunanut allanut angalassaguit uani suut nappaatinut akiuussutissat kapitissallugit innersussutaanersut takukkit. Iserfissaq link-i ajoraluartumik qallunaatut taamaallaat allanneqarsimavoq, taamaattumik nalornisoruteqaruit najukkanni peqqinnissaqarfik attavigisarsinnaavat.

PDF-iliariukEmbed

Allaaserisaq nittartakkannut iliguk (Embed)

"Nappaatinut akiuussutissat". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk