vælg et emne
... sammisaq toqqaruk

Ernisarfik

Postbox 1001

3900 Nuuk

Oqarasuaat: (+299) 34 40 80

E-maili: foedeafdelingen@peqqik.gl   



Ulluinnarni suliffia

7.30 – 15.30 

Nuummi ernisarfik

Nuummi naartusunik isumaginninneq, siunnersuineq ernisussiornerlu, Dronning Ingridip Nappassimmavissuani ernisarfiup suliassaraa. 

Ernisarfimmi arnanik nunatsinni najukkani tamaneersunik ernisussiuisoqartarpoq. 

Nuup avataaneersut arlaannillu naartunermut atatillugu pinartoqarsinnaasut, Nuummut erniartortinneqartarput.   



Nuummi ernisussiortut ukiumut arlaleriarlutik Paamiunut, Maniitsumut Illoqqortoormiunullu naartusunik misissuiartorlutik angalasarput.

Ilinniakkat akimorlugit Kalaallit Nunaanni meeqqanik sumiginnaaneq pinaveersaartinniarlugu siusinaartumik iliuuseqartuni, ernisarfik suleqataavoq. 



Ernisussiortut Nuummi meeraaqqerisut suleqatigalugit, meeqqamut piareernermik qulequtserlugu, ilaqutariiulersussat meeqqap inunngornissaanut angajoqqaanngornissamullu piareersarlugit ilinniartitsisarput.

Meeqqamut piareerneq pillugu annertunerusumik paasisaqarusukkuit una tooruk 

Periarfissaq ”Naartuneq” imaluunniit attavik naartuneq erninerlu pillugit annertunerusunik paasisassarsiorit.