Innuttaasut peqqissusaat pillugu Naalakkersuisunut ilaasortaq Asii Chemnitz Narup ataasinngornermi martsip 21.-ani Uummannami innuttaasunut ataatsimiisitsissaaq.
(9. september 2005)
Nunatsinni pitsaaliuinermik peqqissutsimillu iluaqutsersuinermik suliarisanik nukittorsaasussamik innuttaasut peqqissusaannut pilersaarusiorlugu anguniagaq Naalakkersuisut suliaralugu ingerlappaat. Innuttaasuni nappaatit pitsaaliornissaat aamma nunatsinni innuttaasunut tamanut peqqissuseq pitsaanerusoq anguniagarineqarput.
Innuttaasuni peqqissuunissamik suliniummut innuttaasut siunnersuutinik isumassarsianillu pilersueqataanissamut periarfissaqarnissaat Naalakkersuisut kissaatigaat. Taamaattumik nunatsinni sumiiffinni arlalinni innuttaasut ataatsimiisinnissaat Peqqissutsimut Naalakkersuisup pilersaarutigisimavai. Taakkunani innuttaasuni peqqissuunissamik suliniut pillugu innuttaasut paasisinneqarlutillu oqalliseqataanissaminnut periarfissinneqassapput.
Uummannami peqqissutsikkut ajornartorsiutit ilaat paasissutissiissutigineqarlutillu oqallisigineqartussat tassaapput imigassaq nakuusernerlu; nerisat timigissarnerlu; pujortartarneq; kinguaassiutitigut inooqatigiinneq aamma inuusuttuni imminortarneq.
Uummannami innuttaasut tamarmik innuttaasunik ataatsimiisitsinerni peqataanissamut qaaqqusaapput peqqinnissamilu ajornartorsiutaasut qanoq annikillisinneqarsinnaanerinik siunnersuuteqaqquneqarlutik. Innuttaasuni peqqissuunissamik suliniutip takkuttussap suliarineqarnerani isummat tamarmik ilanngunneqassapput.
Uummannami innuttaasunut ataatsimiisitsineq atuarfiup inersuaani nal. 19.00-imit 21.00-p tungaanut pissaaq. Innuttaasut ataatsimiisinnerini innuttaasut peqqissusaat pillugu naatsumik aallarniisoqassaaq tamatumalu kingorna oqallinneq pissalluni.
Annertunerusunik paasissutissarsiornermi peqqinnissaasutut suliaqarnermut siunnersorti Marianne Arnfjord Peqqissutsimut Pisortaqarfimmi 34 66 14-ikkut attavigineqarsinnaavoq.
Nutarterneqarpoq 18. februar 2011