Nanortalimmiut TB-imut misissortissinnaanngorput. Nanortalimmi innuttaasut 15-ileereersimasut Oktobarip 18-aniit 30-ata 2010 tungaanut puamminnik misissortikkiartoqqullugit qinnguartartikkiartoqqullugit kajumissaarneqarput.
(15. oktober 2010)
Qaqortumi innuttaasut suli misissortissimanngitsut misissortinnissaminnut oktobarip 23-at 2010 tikitsinnagu misissortissinnaapput.
Ukioq manna innuttaasunik misissuinermi kingulliullutik Narsarmiut puamminnik qinnguartartillutik oktobarip 25-aniit novembarip 28-ata 2010 tungaanut misissortissinnaapput. Piffissat taakkartorneqartut illoqarfimmi allagarsiinikkut/nalunaaruteqarnikkut paasissutissiissutigineqassapput.
Napparsimasutut misigisimanngikkaluaraanniluunniit napparsimaviliarluni misissortinnissaq pingaaruteqarpoq.
Qinnguartartissinnaanngilatilli:
• Naartuguit. Taamaappat ernereeruit misissortissinnaavutit.
• 15-iliisimanngikkuit. Meeqqat atuarfianni 1.klassimi 10.klassimilu atuartut aaversinnikkut misissortissapput. Meeqqat mikinerit pisariaqartitsineq naapertorlugu misissorneqassapput.
Maannamut nappaat sakialluut akiorniarlugu iliuusaasarsimasut naammaginannginnerat iliuuserisamut matumunnga pissutaavoq. Ukiuni kingullerni tallimani ukiumut sakialluummik nappaateqalersartut 71-iupput, taamaasilluni Kalaallit Nunaat nunat ineriartorfiusut arlallit akornannut inissippoq inuit 100.000-iuppata 125 missaat nappaateqartuullutik. Tunillatsissimasut 20 %-ii meeraapput. Meeqqallu taama amerlatigisut tunillatsissimanerat nappaateqalersimaneralluunniit, inersimasut akornanni nappaatip tunillaassuunneranut takussutissaavoq.
Itinerusumik paasisaqarusunnermi saaffigisassat:
Peqqissaasoq TB-mik immikkut ilisimasalik Thomas Rendal-imut oqarasuaat angallattagaq: + 299 25 71 17 imal. nunatsinni nakorsaaneq Flemming Kleist Stenz oqarasuaat angallattagaq + 299 55 35 61.
Nutarterneqarpoq 18. februar 2011