vælg et emne
... sammisaq toqqaruk

Paasisitsiniutit > Hashimik atornerluineq pillugu TV-kkut paasititsiniaaneq

Aallakaatitassiaaqqat takutinneqarsimapput 2011.

 

Paasititsiniaanermi anguniagaq
Hash aanngajaarniutillu allat pillugit oqallitsitsilernissaq taamatullu pinerluttaalisitsinermik sulinerup nukittorsaaqataaffigineqarnissaa paasititsiniaanermi anguniagaavoq. Angajoqqaat inersimasullu allat meeqqanut inuusuttunullu maligassiuisuupput paasititsiniaanikkullu angajoqqaat aanngajaarniutinik atuineq pillugu meeqqaminnik oqaloqateqarnissaannut tunngavissiisoqassaaq.

 


1: Hash Atuarfillu

 


2. Hash Kalaallit Nunaallu

 


3. Hash ilaqutariillu

 


4: Hash inuunerlu

 


5. Hash siunissarlu


6. Hash peqqissuserlu

 

Aallakaatitassiaaqqat ilusilersorneqarnerat
TV-kkut aallakaatitassiaaqqanit arfineq marluusunik takutitsinermi ingerlatitsisuussaaq Ivâna 15-inik ukiulik. Timersortartuuvoq pikkorissoq qiimasorlu, pikkorivissunut ilaalluni assammik arsaattartoq volleyballertartorlu. Ivâna ikinngutini, nalunngisani inuiaqatigiillu aqqutigalugit hashimik takutinneqakkajuttarpoq. Tamanna eqqumiigivaa namminerlu oqaatsini atorlugit nassuiaalluni paasititsiniaanikkut sammisaq misissorniarlugu. Taama iliussaaq inuit imminut isiginnaartartunullu paasissutissiilluarsinnaasut arlallit apersornerisigut.

Aallakaatitat naggasertarnerat
Aallakaatitassiaaqqat tamarmik Ivânap sammisaq pillugu misigisaminik ilisimalikkaminillu oqaluttuarneranik naggaserneqartassapput.

KNR-TV aamma Nuuk TV
Aallakaatitassiaaqqat arfineq marluk taakku KNR-TV-mi innuttaasunut paasissutissiisarnerini Nuuk TV-llu nutaarsiassanik aallakaatitsinerata kinguninngua takutinneqartassapput. Aallakaatitassiaaraq ataaseq - sapaatip akunneranut ataaseq takutinneqartassaaq.

Hashimik atornerluineq
Kalaallit Nunaanni hashimik atornerluineq silamik aallartitsisinnaasunik atuinernut allanut atasutut isigineqarlunilu naliliiffigineqassaaq, tassami inuit hashimik ajornartorsiuteqalersut amerlanersaat tupamik imigassamillu sivisunerusumik atuisuullutillu atornerluisuusarsimammata. Misissuinerni paasinarsisimavoq meeqqat inuusuttullu aamma hashimik pujortartartut meeqqanut inuusuttunullu isumaginninnikkut sullissiveqarfiit tarnimikkullu napparsimasunik isumaginniffiit malugeqquaat inuusuttoqarmat hashimik atornerluisorujussuarnik. Atornerluineq tamanna inuusuttut katsorsarneqarnerannut, ulluinnarni inuunerannut siunissaannullu kinguneqarsinnaavoq.  

Apeqqutissaqaruit
Imigassaq Ikiaroornartullu pillugit Siunnersuisoqatigiit paasititsiniaanerup Paarisamit isumagineqartup suliarineqarneranut peqataapput. Aallakaatitsinernut atatillugu innuttaasut Paarisamut paarisa@nanoq.gl -imut itisiliissutinik apeqquteqarsinnaatitaapput.