vælg et emne
... sammisaq toqqaruk

Paasisitsiniutit > Inuusuttuuneq pakkutsigu


1. Meeqqagut nunatta erlinnartuutaasa annersarai

2. Sammisassaqatigiittaritsi

 

3. Oqaloqatigiittaritsi

 

4. Peqataagit


Paarisa inersimasutut akisussaaffeqarneq pillugu paasissutissaliorsimavoq.
Suliat aningaasalerneqarsimapput Peqqissutsimut Naalakkersuisoqarfimmit Inuuneritta II Aningaasaliissutaanit.

Paasissutissat isiginnaagassiaaranngorsimapput sisamanut immikkoortiterlutik.

Oqariartuutigineqarpoq inuiaqatigiinni inersimasut meeqqat inuusuttuaqqallu peqqissusaannik akisussaanerussasut.
Isiginnaagassiaaqqani iliuusissanik isumassarsianillu inersimasutut qanutut meeqqat inuusuttuaqqallu susassaqatiginerunissaannik ataatsimooqatiginerullugit peqataanerusinnaanerannik oqariartuuteqarpoq.

Islandimiut ilisimatusarnerannit paasititsiniutit aallaaveqarput, tassa meeqqat inuusuttullu sammisassaqatiginerullugit atornerluisunngorsinnaanerat pitsaaliorneqarsinnaammat.

Sammisassaqatigiittaritsi
Meeqqat inuusuttullu, ullormut minnerpaamik akunneq ataaseq ilaquttatillu ataatsimoornerusartut aanngajaarniutinut ussernartorsiunnginnerusarput.

Oqaloqatigiittaritsi
Imigassamik tupamillu inuusuttut misileeqqaarnerat sapinngisamik kinguarsaraanni, kingusinnerusukkut atornerluisunngorsinnaanerat pinngitsoortinneqarsinnaavoq.
Ukiut tamarmik naleqarput.

Peqataagit
Inuusuttut, timersornermi allanilu sunngiffimmi sammisassani peqataasartut, aanngajaarniutinut atuilersarnerat minneruvoq.
Meeqqagut sunngiffimmi sammisaqarnissaat tapersersoruk.