vælg et emne
... sammisaq toqqaruk

Unammisitsinerit > Ilitsersuummik pitsaanerpaamik


UNAMMISITSINEQ
Ilitsersuutit pitsaanerpaaq meeqqanut aalisakkanik iganermik najoqqutassiamut ilanngutsiguk akissarsialatsialammillu ajugaallutit!
Aalisagartorluartarpit nerisassiornermullu ilitsersuummik avitseqatigerusuppitigut? Taava ILLIT ikiuinissat pisariaqartipparput..

Peqqissutsimut Naalakkersuisoqarfik aalisakkanut nerisassiornermut najoqqutassiamik saqqumersitsiniarpoq, ILLILLU tamatumunnga tapersiinikkut peqataasinnaavutit!

 

IMAALIUSSAATIT:

-    - Nerisassiat assiliuk

-    - Nerisassiornermut ilitsersuut allaguk uagutsinnullu allakkatigut mail-ikkulluunniit nassiuguk

-     - Eqqaamallugu atit, ukiutit, attavigineqarnissannullu paasissutissat allannissaat

-    - Nassiussat ”FISK”-imik nalunaaqqutseruk

Mailikkut uunga nassiussissaatit: pn@nanoq.gl
Allakkatigulluunniit uunga nassiutissavat: Peqqissutsimut Naalakkersuisoqarfik - P.O. Box 1160 - 3900 Nuuk

 

AKISSARSIASSAT TORRANNERPAAT:

Unammisitsinermi peqataasunit pingasut ajugaasutut toqqarneqassapput.

Eqqugassaq siulleq: Angalanermut tunissutissatsialak

Eqqugassap aappaa: Royal Greenland-imiit aalisakkat mamartut 3.500 kr.-nik nalillit.

Eqqugassap pingajuat: Royal Greenland-imiit aalisakkat mamartut 1.500 kr.-nik nalillit.

Ajugaasut pingasut nerisassiornermut najoqqutassiami atorneqarumaarputtaaq.

 

EQQAAMALLUGU:

-    - Peqataaniaruit 18-it ataallugit ukioqassagavit

-    - Inersimasumit ikiorneqarsinnaavutit

-    - Ilitsersuutinik arlalinnik nassiussisinnaavutit

-    - Ilitsersuutinni aalisagaq ilaatinneqassaaq

-    Peqqissutsimut Naalakkersuisoqarfik ilitsersuutit nassiunneqartut tamaasa nerisassiornermut najoqqutassiami atorsinnaallugit pisinnaatippoq

-    - Ilanngussavit / ilanngussatit 1. Oktober 2016-iutinnagu tigoreersimassavagut

 

PAASISSUTISSAT:
Ukioq 2016 NERISANUT ukiorititaavoq, taamaattumillu Peqqissutsimut Naalakkersuisoqarfik Nerisaqarnermut Timigissarnermullu Siunnersuisoqatigiit suleqatigalugu meeqqanut aalisakkat ukkanneruaat. Nerisassiornermut ilitsersuut 2017 qiteqqunnerani saqqummiunneqarnissaa naatsorsuutigineqarpoq.