vælg et emne
... sammisaq toqqaruk

Napparsimasunut paasissutissiineq >

2016-imi decembarip ulluisa aallaqqaataanni peqqinnissaqarfimmi siunnersorteqalerpoq.
Napparsimasutut qanigisaasutulluunniit ajornannginnerusumik paasissutissinneqarsinnaanissat ikiorserneqarsinnaanissallu siunertaralugit Peqqinnissaqarfimmi siunnersorti atorfinitsitaavoq.

 Kikkut saaffiginnissinnaappat
Innuttaasut tamarmik napparsimasunut siunnersortimut saaffiginnissinnaapput
• Kinaassuseq ilisaritinnagu paasiniaanermi (ateq inuullu normua pisariaqanngillat)
• Pisoq aalajangersimasoq pillugu paasiniaanermi (ateq
inuullu normua pisariaqarput)

Sutigut ikiorsiisoqarsinnaava

• Nalinginnaasumik paasissutissiinikkut
• Napparsimasup peqqinnissaqarfiullu
oqaloqatigiinnerisigut
• Nakorsartinnissamut periarfissat pillugit
paasissutissiinikkut
• Napparsimasut pisinnaatitaaffii pillugit ilitsersuinikkut
• Maalaarsinnaaneq taarsiiffigitissinnaanerlu pillugit
ilitsersuinikkut
• Peqqinnissaqarfimmi periarfissat killissallu pillugit
ilitsersuinikkut
• Qanoq iliornikkut pisinnaatitsissummik pissarsisinnaaneq allattugaatinillu ilisimalersitaasinnaaneq pillugit
ilitsersuinikkut
• Napparsimasunik angallassineq, angalanerit kiisalu
ingiallortaanermut atatillugu maleruagassat pillugit
ilitsersuinikkut
• Peqqinnissaqarfimmut eqqortumik attaveqarnissamik ilitsersuinikkut

Qanoq iliornikkut napparsimasunut siunnersorti attavigineqarsinnaava
• Napparsimasunut siunnersorti Nuummi Dronning
Ingridip Napparsimmavissuaniippoq
• Allaffik ullormut nal. ak. marluk ammasarpoq
• Allaffiup ammanerani nap. siunnersorti
attavigineqarsinnaavoq - oqarasuaatikkut aamma
mail-ikkut
• Allaffiup ammasarfiata avataani mail-imik
nassitsisoqarsinnaavoq.
• Sivisunerumik ataatsimiinnissat/oqaloqatigiinnissat
immikkut isumaqatigiissutaasassapput.

Piffissat
Peqqinnissaqarfimmi siunnersorti piffissani ukunani naapinneqarsinnaavoq.
Ataasinngorneq: 14-16
Marlunngorneq: 08-10
Pingasunngorneq: 08-10
Sissamanngorneq: 14-16
Tallimanngorneq: 08-10

Attavissat
Siunnersorti@peqqik.gl
Tlf. 344050

Grethe - peqqinnissaqarfimmi napparsimasunu siunnersortinngorlaaq - apeqqutissaqaruit peqqinnissaqarfillu pillugu paasissutissanik pissarsioruit attaveqarfigiuk.