FILMI
Periarfissaqarputit - peqqinnarnerusunik nerisarnissannut

EQQORTOQ
Nerisavit imikkavillu nukissannik tunissavaatsit, ajunngitsumillu inuuneqarnissamut nukissaqartissallutit. Nerisaqarneq pillugu filmiliarput takujuk, taannalu aqqutigalugu peqqinnarnerusumik inuuneqalernissamut isumassarsiorit.

NAMMINEQ QANOQ ILIUUSEQARSINNAAVUNGA?
Matumani illit ilaquttatillu peqqissuullusi inuusinnaanissarsi siunertaralugu siunnersuutit atuarneqarsinnaapput:
• Kaatsillutit pisiniarniaqinak – tamatumami kinguneriinnarsinnaasarmagu peqqinnannginnerusunik ussernartorsiorluni pisisoorsinnaanissaq.
• Sap. akunnerata ingerlanerani suut pisiassarinerlugit pilersaarusiortarit – taamaasillutit sorpiaat pisiassarinerlugit ilinnut ajornannginnerulerlunilu pisariinnerulissaaq aammalu soorlu ineriikkanik il.il. peqqinnannginnerusunik pisiaqarsinnaanerit taamaasilluni pinngitsoorniaruminarnerussaaq.
• Kalaallit nerisassiaattaanik nerisaqarluartarit – pingaartumik aalisakkanik.
• Meeqqatit peqatigalugit igasarit – taava ileqqunik peqqinnarnerusunik inooriaaseqalernissaanut ikiussavatit.
• Mamakujuit, chips-it, kaagit, sodavandit saftilu sap.ak. ataasiarluni pineqartalersinnaanissaanut killiliigit
• Nerisassatsialaat 10-t najoqqutariniarsarikkit