vælg et emne
... sammisaq toqqaruk

Naartuneq, milutsitsineq imigassarlu

PAASISSUTISSAT

Imigassaq Ikiaroornartullu pillugit Siunnersuisoqatigiit kaammattuutigaat: 
• Naartuguit naartulerniaruilluunniit imigassartornaveersaarit
• Milutsitsininni imigassartornaveersaarit


NAARTUNEQ IMIGASSARLU

Naartulerninni pilluarit!  
Meeqqavit naap iluaniittup ineriartorluarnissaanut nammineq iliuuseqangaarsinnaavutit. Peqqinnartunik nerisinnaavutit, sinilluartarsinnaavutit, ungasissumut pisuttuarsinnaavutit, pujortartaruit pujortartarun-naarsinnaavutit imigassamillu aalakoornartortalimmik imertarunnaarsinnaallutit. 

Meeqqavit sapaatit-akunnerini arfineq-pingasuni 32-niluunniit illissanniissimanera apeqqutaatinnagu meeqqap alliartornissaminut iluaqutissai tamarmik illit aarlaakkooriarluni qalasikkut meeqqamut inger-laqqittarpoq – aamma imigassaq tassuunaartarpoq. 

Imigassaq sukkasuumik aarlaakkooriarluni meeqqamut pisarpoq. Meeraq anaanamisut aamini promilleqa-lersarpoq. Tamanna meeqqamik ajoqusiisinnaavoq. Imigassap celle toqussinnaavai cellellu, timip pinngoq-qaataasa, pissusissamissut ineriartornissaat ajoqusersinnaallugu. 

Tamatuma saniatigut meeqqap anaanaminit sivisunerusumik imigassaq arrortinniartarpaa. Naartup timi-migut pisatai inerilluarneqannginnamik imigassaq inersimasutulli sukkatigisumik arrortissinnaanngilaa. Taamaattumik meeraq anaanami naavaniittoq sinersimasunut sanilliullugu imigassap sunniutaanit ajortunit sivisunerusumik sunnertisimasarpoq. 

Misissuinernit ersersinneqarpoq naartusut meeraallu inuusimanngitsut imigassamik arrortitsisinnaanerat assigiinngitsuusut. Imigassap annertussusaa meeqqamik ajoquseerpasinngitsoq meeqqamut allamut ajoqusiisinnaavoq. Taamaattumik imigassaq qanorpiaq annertutigisoq imaluunniit qanorpiaq annikitsigisoq meeqqavit sapinnginneraa oqaatigineqarsinnaanngilaq. Nalunartut pillugit Imigassaq Ikiaroornartullu pil-lugit Siunnersuisoqatigiit kaammattuutigaat naartusut imigassartunngilluinnassasut. 

MILUTSITSINEQ IMIGASSARLU

Milutsitsininni aanni imigassaqaruit imigassaq annertoqataa milutsitsinermi meeqqamut pissaaq. Meeraq inersimasumut sanilliullugu marloriaammik arriinnerusumik imigassamik arrortitsisarpoq timimilu pisattat inerilluarsimannginnerat pissutigalugu qajannarnerulluni. Assersuutigalugu anaanaasoq imigassartorsimap-pat milutsitsinerup kingorna meeraq sinnakinnerullunilu eqqissisimannginnerussaaq. Taamaattumik anaa-naasut milutsitsisut imigassartunnginnissaat siunnersuutigineqarpoq. 

Siusinnerusukkut oqartoqartarpoq hvidtøli immuliornermut iluaqutaasoq. Ullumikkut tamatuma ilumuun-nginnera nalunngilarput, aamma hvidtøli imigassartaqarmat siunnersuutigineqarpoq hvidtølitortoqassanngitsoq.

 

NEQEROORUTIT

Imigassamik imertarunnaarnissat sapernartikkukku sapinngisamik piaarnerpaamik nakorsannut juumuunnulluunniit, "Siusissukkut Iliuuseqarnermut" innersuussisinnaasunut, attaveqarnissat pingaaruteqarpoq.

”Siusissukkut Iliuuseqarnerup” illit ilaquttatillu Allorfik aqqutigalugu pinngitsuuisinnaannginnermik katsorsartinnissamut innersuussinnaavaatit, tassanilu imigassamik atuinerup unitsinnissaa sapernartikkukku ikiorneqarsinnaavutit.

Kalaallit Nunaanni najugaqartut tamarmik akeqanngitsumik pinngitsuuisinnaannginnermut katsorsarneqarsinnaapput. 

Allorfik ugguuna attavigisinnaavat 52 53 43, piffissami 09:00-imiit 15:00-imut, imaluunniit mailikkut allorfik@allorfik.gl. 

Illoqarfinni Allorfilinni (Qaqortumi, Nuummi, Sisimiuni, Aasiaanni aamma Ilulissani), ornigullutit saaffiginnissinnaavutit nal. 9-15. Ullumikkut innuttaasut 18-it sinnerlugit ukiullit kisimik katsorsarneqarsinnaapput. Allorfinnili innuttaasunut 18-it inorlugit ukiulinnut killilimmik neqerooruteqarpoq.

Allorfiup nittartagaani paasisaqarnerusinnaavutit uani www.allorfik.gl

 


NAMMINEQ QANOQ ILIORSINNAAVUNGA?

Naartuguit imigassartorsimaguillu pingaaruteqarpoq imerunnaarluinnarnissat. Ilisimatusarnermit uppernarsarneqarpoq anaanaasoq naartunermini imernerujartortillugu meeraq navianartorsiornerulertartoq.

Qanittukkut misissuinernit ersersinneqarpoq ajoqutaasumik imigassamik atuisut amerlasuut imminut ikiornermikkut imigassartortarunnaartartut imigassartunngilluinnartartullu. 

Peqqinnissaqarfimmi sulisup ilinnut attaveqartartup oqaloqatigerusuppaatit imigassamillu atuisarunnaarnissannut tapersersorusullutit.

 


QANIGISAT

Ilaqutariinnut naartusortalinnut qanigisaasutut ilaqutariinnik naartusortalinnik tapersersuinissat aamma naartunerup milutsitsinerullu nalaani imigassartorusunnginnerannik ataqqinninnissat pingaaruteqarpoq. Naartusoq imigassartortoq takugussiuk aperisinnaavusi meeraq ilumiu qanoq sunnertittarnersoq ilisima-neraa kajumissaarlugulu imigassaq pillugu juumuumik allamilluunniit peqqissutsikkut suliaqartumik oqaloqateqaqqullugu.


SAAFFIGINNINNISSAMUT PAASISSUTISSAT
• Nunap immikkoortuani napparsimmavik, Peqqissaavik imaluunniit nunaqarfimmi napparsimmaveeraq
• Juumooq/Meeqqerisoq/imaluunniit peqqinnissaqarfimmi sulisut allat

Saaffiginninnissamut paasissutissat ataanni paasisaqarnerugit
Allorfik attavigiuk ugguuna 52 53 43 imaluunniit allorfik@allorfik.gl 


 

PDF-iliariukEmbed

Allaaserisaq nittartakkannut iliguk (Embed)

"Naartuneq, milutsitsineq imigassarlu". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk