vælg et emne
... sammisaq toqqaruk

Imigassaq - anaana ataatalu imerajuttuuppata

PAASISSUTISSAT

Kisimiinngilatit!

Nunatsinni meeqqat inuusuttullu tamarmik pingajorarterutaasa ilaquttaminni qaniginerpaasaminni imigas-samik atornerluisoqarnera misigisarpaat. Taakkua ilagippatsit kisimiinngilatit.
Taamaakkaluartoq meeqqat inuusuttullu atukkatik allanit ilisimaneqarnissaat kissaatiginnginnamikku alla-nut oqarneq ajorput. Tamatuma saniatigut immaqa imigassamik ajornartorsiutilik kamaallugulu ernumassu-tigigakku pakatseqqajaasinnaavutit.

Imaassinnaavoq: 
•kiserliortutit 
•naameernissat sapernartikkit 
•immikkoorniaqqajaasartutit 
•aliasuttutit kamattutilluunniit, imaluunniit atorsinnaanngitsutut misigisutit 
•ikinngutinnik pulaartoqarnissat kanngugigit 
•qamuuna qajannartuunerit isertorniarlugu qallikkut nukittorpasinniartutit 
•angerlarsimaffissinni pissutsit pitsaasuutikkusullugit akisussaafferujussuarmik tigusisimasutit 

Imigassamik ajornartorsiutilimmik ataataqaruit anaanaqarlutilluunniit ikiorneqarsinnaavutit. Ajornartorsiutit kisimiillutit pigissanngilat. Ajornartorsiutit eqqartornissaannut tapersersorneqarnissat pisariaqartissinnaavat.

 

NEQEROORUT

Eqqarsaatitit inersimasumut, meeqqanik angerlarsimaffimminni artorsartunik oqaloqateqarnermik sungiu-simannittumut, oqaluttuarisinnaavatit. Taamaalioruit immaqa qanoq iliorsinnaaninnut isumassarsisinneqassaatit.

Assersuutigalugu ilinniartitsisut, isumaginninnermi siunnersorti, ilaquttat ikinngutivilluunniit angajoqqaavi oqaloqatigisinnaavatit.

MIO
www.mio.gl

1899
1899 – SMS-ikkut siunnersuisarfik

Nuna tamakkerlugu Meeqqanut Inuusuttunullu SMS-ikkut attavissaq akeqanngitsoq – inersimasumik siun-nersuisinnaasumik allaqateqarit. 
Ammasarpoq: Ataasinngorneq – tallimanngorneq 16 – 18

 

NAMMINEQ QANOQ ILIUUSEQARSINNAAVUNGA

Tamanna pillugu oqaloqateqarit!

Pitsaassaaq ilinniartitsisumik, perorsaasumik, peqqissaasumik inersimasumilluunniit allamik tatigisannik oqaloqateqaruit. Misigissutsinnik paatsiveerutsitsisunik oqaasinngortitsinissamut ulluinnarnilu pisartunut tunngatillugu ikiorsinnaavaatsit. Aamma angajoqqaatit kikkunnit ikiorneqarsinnaanersut paasiniarsinnaa-vaat. 

 
 

QANIGISAT

Anaanaasoq ataataasorluunniit imaluunniit marluullutik ajornartorsiulersitsisumik imigassamik atuippata qanigisaasutut ilaqutariinnik tapersersuinissamut pingaaruteqarputit. Meeqqap ulluinnarni inuunera allanngorartuarpat artornarpalluunniit inersimasumik illuatungiliuttunut ilaanngitsumik allanngujaatsumillu pisariaqartinneqassaaq. Inersimasoq meeqqap pissutsit atugaanik oqaasinngortitsisinnaallunilu meeqqap qanoq artorsartiginera pillugu eqqarsaatinik oqaasinngortitsisinnaasoq. Meeqqap ajornartorsiutaanik inis-saqartitsisoq. Meeraq taamaalilluni ilaqutariinni artorsaatigisani unneqqarilluni toqqaannartumillu eqqar-tuinissamut periarfissaqalissaaq - tamatuma saniatigut meeqqap ajornartorsiutai qanigisaasup angajoqqaa-nut ingerlateqqissinnaavai, taamaalilluni ajornartorsiutit imigassamillu ajornartorsiutit iliuuseqarfigineqarniassammata.

Assersuutigalugu pinartoqartillugu pilersaarusiamut ilaasinnaavutit taamaalillutit angajoqqaat, assersuuti-galugu imerneq pissutigalugu, meeqqaminnik isumassuisinnaajunnaarpata illit isumassuisunngorsinnaallu-tit. Meeqqap ajoquserneri taamaalillutik killilersimaarneqassapput siunissarlu ungasinnerusoq eqqarsaati-galugu imigassaq pillugu ajornartorsiummut aaqqiissuteqarnissamut piffissaqarluarnerulersitsilluni. Nalinginnaasumik meeqqap isumassornera aallunneralu, assersuutigalugu asimut pisuttuaqatiginera filme-riaqatigineraluunniit, meeqqamik ikiuineruvoq pitsaasorujussuaq. Meeqqap ajornartorsiutinik kisimiilluni pigisaqartutut misiginnginnissaa pingaarnerpaavoq.

 

Meeqqap imigassamik ajornartorsiutilinnik ilaqutaqarnera qanoq ilillutit paasisinnaaviuk?

Ilaqutariinni ajornartorsiuteqarneq meeqqat ilaasa allanut ersersinneq ajoraat allat ersersittarpaat. Ilaat naleqqussarniallaqqippallaalertarput. Taamaattumik malussarissutsit malissavat. Meeqqap takussutissat ersersitai angajoqqaallu pissusilersornerat maluginiassavatit.

Meeqqat imigassamik ajornartorsiutilinnik ilaqutaqartut ataatsimut isigalugit makkuninnga atugaqarneru-sarput:

  • Annilaanganeq nikallunganerlu
  • Imminut naleqartippiannginneq
  • Pissusilersornikkut ajornartorsiuteqarneq
  • Ikinngutinut tunngatillugu ajornartorsiuteqarneq
  • Atuarfimmi ajornartorsiuteqarneq
  • Qasoqqaneq
  • Malinnaanissamik ajornartorsiuteqarneq
  • Naarlunneq niaqorlunnerlu
  • Isumatsassimangaarneq
  • Sinissaarunneq sinnattupiluttarnerlu
  • Ikiaroornartunik atuiaarnerusalerneq/atuivallaalerneq
  • Atoqateqaliaarneq
  • Pinerluttarneq

 

Takussutissalli taakku aamma allanik peqquteqarsinnaapput. Meeqqalli takussutissaq ataaseq amerlaneru-sulluunniit ersersippagit meeqqap ilaqutaani imigassamik ajornartorsiuteqartoqarnersoq eqqarsaatigissavat.

Ilaqutariit ernumassutigisatit qanoq pitsaanerpaamik ikiorsinnaanerlugit nalornissutigigukku ikiorneqaru-mallutit ilitsersorneqarumallutillu kommunimi isumaginnittoqarfik attavigisinnaavat.

 

ATTAVISSAT

Atuarfik: Atuarfiup pisortaa klasselærerluunniit

Peqqinnissaqarfimmi: Meeqqerisoq

Kommunimi: Isumaginninnermi sullissisoq

Allorfik

MIO

 

ATORTUSSANIK ALLANIK PAASINIAAFFISSAT

”Uillutit – eqqartoruk.Ilaqutariit imigassamik ajornartorsiutillit meerartaannik tullertut ikiuineq”,  Blå Kors Danmark, 2014

 

 


PDF-iliariukEmbed

Allaaserisaq nittartakkannut iliguk (Embed)

"Imigassaq - anaana ataatalu imerajuttuuppata". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk