vælg et emne
... sammisaq toqqaruk

Imminut toqunnissamik pitsaaliuineq

Paasissutissat
Inuit aliasunnerujussuarmik nalaataqaraangamik imaluunniit misigissutsitigut annersinneqaraangamik aniguissutissatut imminut toqunnissaq eqqarsaatigilersinnaasarpaat.
Inuit amerlanersaasa inuttut nanertisimaneq immaqaluunniit ajornartoorneq inuunermik ilaani nalaattarpaat. Inuit ilaannut tamanna imminut toqunnissamik eqqarsalersitsisarpoq.
Imaakkajunngilaq toqunissartik kissaatigigamikku, immaqali pisut nalaanni anniaatertik nammassinnaannginnamikku qanorlu anigussallugu allamik aqqutissaqarsorinnginnamik.
Inuit ilaannut imminut toqukkusunnermik eqqarsaatit imminut toqoriavinnermik kinguneqartarput, imminullu toqoriarnerit ilaat toqumik kinguneqartarput.


Neqeroorutit

Tusaannga – tlf. 801180, sms 1899
Tusaannga ullut tamaasa nal. 16.00-imiit 22-00 tungaanut ammasarpoq, attaveqarnerlu akeqarani kinaassutsimik isertuussisuulluni. Meeqqat, inuusuttut, inersimasullu tamarmik oqaloqateqarnissamik, allaqateqarnissamilluunniit pisariaqartitsisut Tusaannga attavigisinnaavaat. Ajornartorsiutit annikikkaluarunik annertuppataluunniit siunnersuisartut ikiuinissamut piareersimapput. Kinaluunniit ajornartorsiutiminik kisimiilluni nammassissanngilaq. Tusarnaarpatsigit.

 

Thinkinuk
Thinkinuk – Inuk eqqarsaatersortoq, eqqarsaatit pillugit ilisimasaqarfiuvoq, www.thinkinuk.com-imi kalaallisut, qallunaatut tuluttut aamma atuakkatut nassaarineqarsinnaavoq.

Tamanut ilisimasat pissanganartut Thinkinuk imarai – oqaasertat naatsut, assitaamma oqaluttuat – oqaluttuaaqqat erinarsortartumit Kimmernamit atuarneqartut tusarnaarneqarsinnaapput.

Nakorsaq Poul Lundgaard aamma Perorsaasoq Louise Lundgaard Igalikumeersut Peqqissutsimut Naalakkersuisoqarfik suleqatigalugu Thinkinuk ineriartortippaat. 

Imminut toquttarneq ajornartorsiutillu ilungersunartut allat pinaveersaartinniarlugit oqartussaasut suleqatigineqarput. 


Nammineq qanoq iliuuseqarsinnaavunga?
Pingaaruteqarpoq eqqaamajuaannassagakku:
nuanniillioraanni ikiorneqarnissamilluunniit pisariaqartitsigaanni ajortuunngilaq kanngunartuunanilu.
Taamaattumik nuanniillioruit inuit avatangiisinniittut oqaluttuutissavatit.
Imminut toqunnissamik eqqarsaatit tamatigut suusupagineqassanngillat.
Imminut toqunnissamik eqqarsaateqaruit kisivit pigissanngilatit.
Ikiorneqarnissat ujartussavat ilukkullu anniaatitit pillugit allat oqaloqatigissavatit.
Pingaaruteqarpoq imminut toqunnissannik eqqarsaatit takkukkaangata ikiortissarsiornissat ikiorneqarnissallu.
Eqqarsaatitit kisimiillutit sivisunerusumik pigigukkit imminut toqoriarnermik kinguneqarnissaat ilimanarsiartuinnartarpoq.


Qanigisat
Imminut toqunneq inuunermi ajornartorsiutinut aaqqiissutaanngisaannartariaqarpoq.
Taamaattumik inuit qanimut takusartakkatta allatut pissusilersulernerannut ersiutit makku eqqumaffigissavagut imminut toquttoqarnissaa pinngitsoortinneqassappat:
• Kisimiinniaannalerneq susoqartillugulu akuujunnaarneq
• Isumatsassimaneq, sivisuumik nikallunganeq
• Imigassartornerulerneq
• Imminut nikaginerartarneq (Ass. Sianeeqaanga pitsaanerussagaluarpoq toqusuuguma)
• Sinissaaleqineq
• Nerrerliorneq
• Neriuutaarunneq
• Annilaanngateqarneq

Ikinngutaaguit, eqqarliuguit, suleqataaguit, sulisitsisuuguit, saniliuguit, ilinniartitsisuuguit allaluunniit…. KINALUUNNIIT ersiutit taakku qisuariarfiginissaannut periarfissaqarpoq akisussaaffeqarlunilu.
Allanik isumassuininnik ersersitsisuuvoq.
Toqqarlugu aperiuk!
Oqaloqatigileruk.
Isumaliutigisinnaavat imminut toqunnissamik eqqarsaateqarnersoq toqqarlugu aperissanerlugu.
Tusarnaarluartarit.
Pingaaruteqarpoq tusarnaarluartarnissat pisariaqartutullu isumaqaruit ilinniarsimasalinnut saaffiginninnissaanut ikiorlugu (saaffiginninnissamut paasissutissat takukkit).
Imminut toqussinnaasutut pissusilersorneq ataatsimoorluni iliuuseqarfigisariaavoq – kialuunniit kisimiilluni pigissanngilaa.

Qimagaavit?
Illoqarfiit ilaanni imminut toquttunit qimagaasunut ataatsimoorfeqarpoq.
Pitsaaliuinermi siunnersorti aperiuk.
Aamma najukkanni napparsimavik peqqissaavilluunniit saaffigisinnaavat uani

 


Suliaqartunut

Tulleriiaarluni iliuuserisassat

Ilitsersuut: Inulerisunut, innuttaasunik imminut toqunnissamut navianartorsiortunik.


Saaffiginninnissamut paasissutissat
Tusaannga – tlf. 801180, sms 1899.
www.mio.gl imaluunniit SMS-ikkut siunnersuisarfik 1899
Imminut toqunnissamik eqqarsaateqartut pilertortumik ikiorneqarnissaannut politiit peqqinnissaqarfilluunniit saaffigikkit.
Najukkanni siunnersorneqarnissamut periarfissat annertunerusut pitsaaliuinermut siunnersortissinnit pissarsiarisinnaavatit.


Atortussanik allanik paasiniaaffissat
Imminut toqunnissamik pitsaaliuineq pillugu nittartakkat:

www.thinkinuk.com
www.forebygselvmord.dk
www.nefos.dk
www.laeger.dk
www.efterladteforskning.dk
www.selvmordsforebyggelse.info
www.elene.dk
www.spytud.nu
www.livslinien.dk

 

 


PDF-iliariukEmbed

Allaaserisaq nittartakkannut iliguk (Embed)

"Imminut toqunnissamik pitsaaliuineq". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk