vælg et emne
... sammisaq toqqaruk

Inuunerittamut Aningaasaliissutit

PAASISSUTISSAT
Illoqarfinni nunaqarfinniluunniit peqqinnerulersitsinissamik siunertaqartumik pilersaaruteqarpit piviusunngortikkusulluinnakkannik?

Pinaveersaartitsiniarluni imaluunniit peqqinnerulersitsiniarluni pilersaarummik isumassarsiaqaruit najukkanni piviusunngortikkusutannik, Inuunerittamut Aningaasaliissutinut qinnuteqaateqarsinnaavutit.

1. april qinnuteqaateqarnissamut ukiut tamaasa piffissarititaavoq. Malugiuk aatsaat 1. aprilip kingorna qinnuteqaatit suliarineqartarmata.


Inuuneritta
Najukkami peqqissuunissaq pitsaaliuinissarlu anguniarlugit- Inuunerittap aningaasaliissutaanit taperserneqarluni, sammisanik aallartitsinissaq periarfissanngorpoq.

Sammisanut Inuuneritta III-imi pingaarnertut ukkatarineqarpoq meeqqat atugarissaarnissaat imatut qulequtserlugu: Meeqqat inuunerissut 

Sammisat ataani immikkoortunut ilaasut ukioq manna pingaartinneqassapput:
• Sammisassaqartitsinerit suliniutillu peqqissumik ataatsimooqatigiinnermut tunngasut.
• Illoqarfigisami nunaqarfigisamiluunniit suleqatigiit akimorlugit suleqatigiillutik meeqqat inuusuttullu peqqissussaat siuarsarniarlugu sammisassaqartitsinerit.
• Meeqqat inuusuttullu imigassartortalersinnaanerat pujortartalersinnaanerat naamaartalersinnaanerallu pinaveersaartinniarlugu suliniutit pilersaarutillu.
• Suliniutit tamakkiisumik ilaqutariinnut tunngasut, peqqinnerulernissamullu angajoqqaat peqatigalugit sammisaqartitsineq.
• Suliffeqarfiit akimorlugit suleqatigiissinnnaanermik takutitsisut, assersuutigalugu peqqissutsimut isumaginninnikkut kultureqarnermullu tunngasunik suliallit ilanngunneqarnerisigut.


Makkununnga qinnuteqaateqarsinnaanngilatit:
•Aningaasartuutaareersimasunut
•Aningaasarsiassanut
•Angalanermi aningaasartuutinut – matumani soorlu angallammik attartornermut
•Aaqqissuussanut aningaasannanniarfiusunut – matumani soorlu aaqqissuussanut isilernermi akiliiffiusussanut
•Pikkorissarnernut ilinniarnermullu
•Akissarsiassanut
•Timigissartarfiit atornerinut akiliutinut
•Katsorsaanernut, assersuutigalugu atornerluisuunermut katsorsaanernut
•Pilersaarutinut Kalaallit Nunaannut attuumassuteqanngitsunut


QINNUTEQAATIT
1. april qinnuteqaateqarnissamut ukiut tamaasa piffissarititaavoq.

Uani qinnuteqarit

Qinnuteqaatit aamma allaganngorlugu anillatsisinnaavat mailikkulluunniit uunga nassiunneqarsinnaavoq:

Paarisa
Box 1755
3900 Nuuk

E-mail: paarisa@nanoq.gl

 


Nalunaarusiorneq

Siunissami Inuunerittap Aningaasaliissutaanik pissarsissangaanni, ingerlatamut nalunaarut aamma aningaasartuutinut nalunaarusiaq tunniunneqarsimasussaapput.
Qinnuteqartup nalunaarusiaq siunissami tapiiffigineqarsinnaasut akornanniikkusukkuni nassiuttariaqarpaa.
Attaveqatigiinneq taamatut uagutsinnut pingaaruteqarpoq, susoqarneranik misilittakkanillu tusarfiginissassinnik periarfissiimmat, kingornalu pitsaanerusunik aaqqissuussisinnaanermik aqqutissiuisinnaammat.

Nalunaarusiut uunga nassiuguk: paarisa@nanoq.gl

 
 

ATORTUSSANIK ALLANIK PAASINIAAFFISSAT

Sapaatip akunnera 18 pillugu 


Paasisaqarnerorusukkaanni attavissat:

Peqqinnissamut siunnersorti
Inaluk Olsen Heilmann
Tlf: 34 66 35
Mail: inoh@nanoq.gl

Peqqinnissamut siunersorti
Lisa Ivalu Lind
Tlf: 34 68 53
Mail: livl@nanoq.gl   

 









PDF-iliariukEmbed

Allaaserisaq nittartakkannut iliguk (Embed)

"Inuunerittamut Aningaasaliissutit ". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk