PAASISSUTISSAT
Illoqarfinni nunaqarfinniluunniit peqqinnerulersitsinissamik siunertaqartumik pilersaaruteqarpit piviusunngortikkusulluinnakkannik?
Pinaveersaartitsiniarluni imaluunniit peqqinnerulersitsiniarluni pilersaarummik isumassarsiaqaruit najukkanni piviusunngortikkusutannik, Inuunerittamut Aningaasaliissutinut qinnuteqaateqarsinnaavutit.
1. april qinnuteqaateqarnissamut ukiut tamaasa piffissarititaavoq. Malugiuk aatsaat 1. aprilip kingorna qinnuteqaatit suliarineqartarmata.
Inuuneritta II
Pilersaarutit Innuttaasut peqqissuunissaannik suliniummi Inuuneritta II-mi iliuuseqarfigisassatut pilersaarutaasunut attuumassuteqassaaq:
• Nerisaqarneq
• Imigassaq hashilu
• Imminut toqunnissamik pitsaaliuineq
• Pujortartarneq
• Timip aalatittarnissaa
• Kinguaassiuutitigut peqqissuuneq
Qinnuteqaatit nalilersorneqarneranni makku immikkut pingaartinneqassapput:
• Sammisassaqartitsinerit suliniutillu kinguaassiuutitigut peqqissuunermut tunngapput
• Meeqqat imigassartortalersinnaanerat, hashitortalersinnaanerat naamaartalersinnaanerallu pinaveersaartinniarlugu suliniutit pilersaarutillu pinaveersaartinniarlugu suliniutit pilersaarutillu
• Imminut toquttarneq pinaveersaartinniarlugu suliniutit pilersaarutillu
• Pilersaarutit iliuusissallu meeqqanut, inuusuttunut ilaqutariinnullu tunaartaqartut
• Pilersaarutit suliassaqarfiit akimorlugit ingerlanniarneqartut, assersuutigalugu peqqissutsimut, inuit ataatsimooqatigiinnissaannut kulturimullu attuumassuteqartut
Makkununnga qinnuteqaateqarsinnaanngilatit:
•Aningaasartuutaareersimasunut
•Aningaasarsiassanut
•Angalanermi aningaasartuutinut – matumani soorlu angallammik attartornermut
•Aaqqissuussanut aningaasannanniarfiusunut – matumani soorlu aaqqissuussanut isilernermi akiliiffiusussanut
•Pikkorissarnernut ilinniarnermullu
•Akissarsiassanut
•Timigissartarfiit atornerinut akiliutinut
•Katsorsaanernut, assersuutigalugu atornerluisuunermut katsorsaanernut
•Pilersaarutinut Kalaallit Nunaannut attuumassuteqanngitsunut
QINNUTEQAATIT
1. april qinnuteqaateqarnissamut ukiut tamaasa piffissarititaavoq.
Uani qinnuteqarit
Qinnuteqaatit aamma allaganngorlugu anillatsisinnaavat , faxikkut mailikkulluunniit uunga nassiunneqarsinnaavoq:
Peqqissutsimut Naalakkersuisoqarfik
Postboks 1160
3900 Nuuk
Telefax: (+299) 34 55 05
E-mail:
pn@nanoq.gl
Nalunaarusiorneq
Siunissami Inuunerittap Aningaasaliissutaanik pissarsissangaanni, ingerlatamut nalunaarut aamma aningaasartuutinut nalunaarusiaq tunniunneqarsimasussaapput.
Qinnuteqartup nalunaarusiaq siunissami tapiiffigineqarsinnaasut akornanniikkusukkuni nassiuttariaqarpaa.
Attaveqatigiinneq taamatut uagutsinnut pingaaruteqarpoq, susoqarneranik misilittakkanillu tusarfiginissassinnik periarfissiimmat, kingornalu pitsaanerusunik aaqqissuussisinnaanermik aqqutissiuisinnaammat.
Nalunaarusiut uunga nassiuguk: pn@nanoq.gl
ATORTUSSANIK ALLANIK PAASINIAAFFISSAT
Inuuneritta pillugu
Tupatorunnaarnissaq anguniarlugu 2012- miit
2013-mut iliuuserisassatut siunniussat
Sapaatip akunnera 18 pillugu
Paasisaqarnerorusukkaanni attavissat:
Peqqissutsimut Siunnersorti
Lisa Christiansen
Oqarasuaat: (+299) 34 66 50
E-mail: lich@nanoq.gl