Qinngukkut aseruuttoorneq
NAPPAAT SUMIIPPA?
Nappaat kiinanni saarngup sulluaraasa ilaanniissinnaavoq, soorlu qaap saarngani aamma kiguserfimmi qullermi.
NAPPAAMMUT SUNA PISSUTAAVA?
Qinngukkut aseruuttoorneq nuffasernermi takussaagajunneruvoq. Ameraasat sulluaqqaniittut pullakkaagata sulloq nerukitsoq qinngumit sorlummut atasoq milittarpoq.
Taava nuak qinngumit anillassinnaanngitsoq aseruutsitsilersarpoq.
NAPPAAT QANOQ MALUGISSAVIUK?
Niaqorlulissaatit isitillu naqinneqartutut misigilissavatit, kiisalu sungaarujuttumik-qorsorpalorujuttumik kakkeqalissaatit.
NAPPAAT QANOQ KATSORSARNEQASSAVA?
Sulluaqqat milissimasut ammarnissaat pingaarnerpaavoq. Qinngamut serpartaat pisiniarfimmi pisiarineqarsinnaasoq atorneqartarpoq. Kissarneqaatigalugu ajorluinnarnermi aseruuttoornermut akiuussutissat atorneqartarput. Nipaallisaatit pisiniarfimmi aamma pisiarineqarsinnaapput.
NAMMINEQ QANOQ ILIORSINNAAVIT?
Oqortunik naleqquttunillu atisaqarit, soorlu nasaqarlutit siutequteqarlutillu. Nuffasernerup peqatigisaanik qinngukkut aseruuttoorneq annikitsuinnarmik atuuteqqaartarpoq. Sulluaqqat milinnginnerussammata qinngamut serpartaat atuliaassallugu pitsaasuuvoq. Aalaq imaluunnit silaannaq isugutattoq najuussoruk. Imerluartarit. Sinitsillutit niaquit qullarsimanissaa isumagiuk.