Gonorré
NAPPAAT SUMIIPPA?
Gonorré aseruuttoornertut ameraasani inissisimasarpoq.
Gonnorrép bakteeriai aammut pisinnaapput, akiuussutissalli aammi uuttortarneqarsinnaajuarput.
NAPPAAMMUT SUNA PISSUTAAVA?
Bakteeria aalajangersimaqqinnaartoq gonorréqalersitsisarpoq, atoqatigiinnikkut qanerlu atorlugu tiingaqatigiinnermi tuniluuttarluni.
NAPPAAT QANOQ MALUGISSAVIUK?
Tunillatsereernerup kingorna ullualunnguit qaangiunneranni quitilluni qasilisoortoqartarpoq. Angutip qorluanit arnallu iluanit aniasoqartarpoq. Gonnoré katsorsarneqanngippat angutit issuisa sanilequtaanni aseruuttoorneqalersinnaavoq. Arnani mannissat aqqutaannik aseruuttoornermik kinguneqartarpoq, taamaalillutillu ajoquserneqartarlutik. Arnap illissami saniatigut naartulersinnaanini aarlerinartorsiorfigisinnaavaa, taamalisoornerlu ulorianartorujussuuvoq, kingornalu meerartaarsinnaanermut periarfissat annikillisarlutik.
Anguteqatigiit atoqatigiittartut erlumminni gonorrétut ittumik aseruuttoorneqalersinnaapput.
Arnani angutinilu toqqusaami gonorrétut ittumik aseruuttoorneqalertoqarsinnaavoq.
NAPPAAT QANOQ KATSORSARNEQASSAVA?
Iisartakkat aseruuttoornermut akiuussutissaasut atorlugit gonorré katsorsaruminartuuvoq.
NAMMINEQ QANOQ ILIORSINNAAVIT?
Gonorré atoqatigiinnikkut tuniluuttarpoq, usuullu puua tuniluunnissamut illersuutaavoq. Taamaattumik atoqatigisat pillugu minnerpaamilluunniit nalorniguit usuup puua tamatigut atortaruk - aamma tunillatsisimanerlutit minnerpaamilluunniit nalorniguit, taava peqqinnissaqarfimmut saaffiginnigit.