NAPPAAT SUMIIPPA?
Toqqusaami. Pingaartumik toqqusaap qinersiini eqqaanilu.

---

NAPPAAMMUT SUNA PISSUTAAVA?
Virus bakteerialuunniit pissutaasinnaapput.

---

NAPPAAT QANOQ MALUGISSAVIUK?
Iisininni annertassaatit toqqusaallu aappillissaaq.
Bakteeriamik pissuteqarpat kissarneqartorujussuanngussaatit (39-40 gradit) toqqusaallu qaqortunik qalippissaaq.
Virus pissutaappat nalinginnaasumik kissarneqarpallaassanngilatit. Toqqusaarlunneq bakteeriamik imaluunniit virusimik aallaaveqarnersoq nalileruminaassinnaavoq, misissortinnermili tamanna paasineqartarpoq.

---

NAPPAAT QANOQ KATSORSARNEQASSAVA?
Ullut pingasut missaat sinnerlugit kissarneqaruit (38-39 gradit) peqqinnissaqarfimmut saaffiginnissaatit.
Virusimik pissuteqarpat katsorsaatissaqanngilaq, bakteeriamilli pissuteqarpat penicillin* tunniunneqassaaq.
Qaqutigoortorujussuarmik toqqusaarlunneq gigtipalaaqalersitsisinnaallunilu (avallunnertalimmik kissarneqarujussuarneq) tartulutsitsilersinnaavoq.

---

NAMMINEQ QANOQ ILIORSINNAAVIT?
Ajorpallaanngitsutut misigisamaguit kissarneqarpallaanngikkuillu ulloq ataaseq marlulluunniit angerlarsimaannarsinnaavutit. Assut kissarneqaruit napparsimavittutullu misigisimallutit peqqinnissaqarfimmut saaffiginnissinnaavutit.
Toqqusaarlunneq virusimik pissuteqarpat kissartumik imigaqartarneq iluaqutaasarpoq