Imigassaq Ikiaroornartullu pillugit Siunnersuisoqatigiit pinaveersaartitsinermut, peqqinnerulersitsiniarnermut, nakkutiginninnermut aamma katsorsaanermut tunngasuni siunnersuisartuupput. Siunnersuisoqatigiit imigassamik, ikiaroornartunik, assigisaannillu atornerluiffiusuni ineriartorneq malinnaavigissavaat.
Siunnersuisoqatigiit Naalakkersuisunut Naalakkersuisoqarfinnullu attuumassuteqartunut siunnersuisartutut atuutissapput, tulliini taaneqartut suliassaralugit:
-
Atornerluiffiusuni tamakkiisumik suliniuteqarnissamut anguniagassatut iliuusissatullu pilersaarutinik siunnersuusiorneq.
-
Ilisimatusarfigisassanik pisariaqartinneqartunillu tikkuussisarneq.
-
Paasissutissanik ilisimasanillu katersinermi, ataqatigiissaarinermi aamma ilisimatitsissutinik ingerlatitseqqinnermi ikiuunneq.
-
Imigassap ikiaroornartullu atugaanerat pillugu Naalakkersuisunut ukiumoortumik nalunaarusiortarneq, tassunga ilanngullugu imigassamik ikiaroornartunillu atornerluinerup appartinneqarnissaanut imaluunniit pinaveersimatinnissaanut suliniutissanik innersuussuteqartarneq.
-
Pisortat tusarniaassutaannut sulianut attuumassuteqartunut atatillugu tusarniaassutigineqartunut akissuteqartarneq.
Siunnersuisoqatigiit katitigaanerat
Siunnersuisoqatigiit Peqqissutsimut Naalakkersuisoqarfiup ataani pilersinneqarput, ukiunilu sisamani atuuttussatut toqqarneqartarput makkuninnga ilaasortaqarlutik:
- Suliassamut ilisimasalittut ilaasortaq ataaseq Peqqissutsimut Naalakkersuisoqarfimmit toqqagaq
- Suliassamut ilisimasalittut ilaasortaq ataaseq Ilaqutariinnermut, Naligiissitaanermut, Isumaginninnermullu Naalakkersuisoqarfimmit toqqagaq
- Suliassamut ilisimasalittut ilaasortaq ataaseq Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmit toqqagaq
- Suliassamut ilisimasalittut ilaasortaq ataaseq Nunatsinni Nakorsaaneqarfimmit sinniisuutitaq
- Suliassamut ilisimasalittut ilaasortaq ataaseq Kalaallit Nunaanni Politimesterimit sinniisuutitaq
- Suliassamut ilisimasalittut ilaasortaq ataaseq KANUKOKA-mit sinniisuutitaq
- Ilaasortat sisamat Peqqissutsimut Naalakkersuisumit toqqakkat, meeqqanut inuusuttunut, timersorneq, atornerluisunik katsorsaaneq aningaasanoorajunnermullu tunngasuni sinniisuutitat.
Peqqissutsimut Naalakkersuisumit toqqakkat ukiuni sisamani ilaasortaasarput. Naalakkersuisut allanngornerini Naalakkersuisut nutaat inissitsiterneriniit sap.ak. arfinillit iluanni ilaasortassanik nutaanik toqqaasoqartarpoq. Siunnersuisoqatigiinnit tunuartoqartillugu piffissami sinneruttumi ilaasortassamik nutaamik toqqaasoqartarpoq.
Imigassaq Ikiaroornartullu pillugit Siunnersuisoqatigiit Siulittaasuat
Vakant
Allatsi
Birgit Niclasen
Allorfimmi pisortaq, nakorsatut siunnersorti
E-mail: bivn@allorfik.gl
Ukiumoortumik nalunaarutit
Ukiumut Nalunaarusiaq 2014
Ukiumoortumik nalunaarut 2006
Ukiumoortumik nalunaarut 2007
Ukiumoortumik nalunaarut 2008
Ukiumoortumik nalunaarut 2009
Ukiumoortumik nalunaarut 2010