vælg et emne
... sammisaq toqqaruk

Pilatsittunut immikkoortortaqarfik

Dronning Ingridip Napparsimmavisuani pilatsittunut immikkoortortaqarfimmi uninngasut nakorsiallugu nunatsinni sumiiffinnit tamaneersut isumagineqartarput.

Pilatsittut uninngavii
Immikkoortortat K1, K2 aamma K3 Dronning Ingridip Napparsimmavissuani pilatsittunut uninngaviupput. Uninneq ernineq qulequtsiullugit paasissutisat takukkit.
K1, Saanertigut naggussatigullu nappaatillit uninngaviat:
 - Avatiminnik allatigullu napisisimasut; siutimikkut, qinngamikkut toqqusaamikkullu nappaatillit uninngaviat.
K2, Nerisat arroriartortarfiisigut nappaatillit uninngaviat:
- Ilumikkut/ inalukkamikkut quullu aqutaasigut nappaatillit uninngaviat.
K3, Arnat ilumikkut nappaatillit, naartusut ernisullu uninngaviat.

Pulaarfissat
14.30 – 17.00 & 19.00 – 21.00
 
Pilatsittussanut/pilatsittunut immikkut nakorsiartarfik
Pilatsittussanut/pilatsittunut immikkut nakorsiartarfimmi, nakorsanit illit nappaatinnut tunngatillugu immikkut ilisimasalinnit, nakorsarneqassaatit.

Suna pillugu tassunga nakorsiassavit?
Pilatsittussanut/pilatsittunut immikkut nakorsiartarfimmut nakorsiasaatit:
• Nappaatinnut tunngatillugu immikkut ilisimasalimmit misissorneqarnissaq pisariaqarpat.
• Uninngareerninni malittarineqarnissat pisariaqarpat. 

Pilatsittussanut/pilatsittunut immikkut nakorsiartarfiup saaffiginnittarfia
Piffissaq immikkut nakorsiarfissat pillugu nalinginnaasunik apeqqutissaqaruit  saaffiginnittarfimmut nal. 08.00 – 16.00 akornanni oqarasuaatikkut +299 34 40 15 saaffiginnissinnaavutit.

Immikkut nakorsiartarfiup utaqqisarfia
Utaqqisarfik ukununnga nakorsianut ataatsimoorussaavoq:
• Pilatsittussanut/pilatsittunut immikkut nakorsiartarfik
• Qinnguartaavik
• Aaviisarfik (aaversinneq uummatisiortinnerlu/EKG)
• Ernisussiortoq

Aaversinneq uumatisiortinnerluunniit (EKG)
Aaversissaguit allatulli normumik tigusereeruit saaffiginnittarfimmut saaffiginnissaatit. Saaffiginnittarfimmi sullissisup aaversinnissannut allagartaq nassatassat qarasaasiakkut anillatsillugu tunniutissavaa.
Ullut tamaasa nal. 09.00 - 12.30 akornanni aaviisoqartarpoq uummatisiuisoqartarlunilu. Nal. 08.00-imiit normunik aallertoqarsinnaalersarpoq.
Aversinnermut uummatisiortinnermullu/EKG tunngatillugu apeqqutissaasinnaasut, nakorsamut innersuussisumut apeqqutigineqassapput.

Pinasuagassanut immikkoortortaqarfik
Pinasuagassanut immikkoortortaqarfiup ataani inissisimapput peruluttunut immikkoortortaqarfik, pilattaavik, sinititsisarfik pilatsittunullu ullivik.
Pilatsittunut ullivimmi isumaqatigiissut naapertorlugu ullaakkut unittut pilatsereenerminnilu unnukkut angerlartussat uninngasarput. 

Ernisussiortoq
Naartuguit apeqqutissaqaruillu, ulluinnarni nal. 07.30 – 15.30 akornanni ernisussiortorisat oqarasuaatikkut: 34 40 80 attavigisinnaavat. Una toorlugu naartuneq pillugu annertunerusumik paasisassarsiorit