vælg et emne
... sammisaq toqqaruk

Iisiniarnermi ajornartorsiuteqarneq ukkallugu

25-02-2021

Nappaartit arlallit nalinginnaasumillu sanngiillisimaneq iisiiniarnermut ajornartorsiortitsilersinnaapput. Napparsimasunit iisiniarneerminnik ajornartorsiuteqartunit ajornanngitsumik nerineqarsinnaanngorlugit nerisassanik inuussutissanillu naleqqussaanissamut Dronning Ingridip Napparsimmavissuani igaffimmi sulisut februaarip ulluisa qulinganni pikkorissarput.

Siunissami nerisassat aserortikkat mikisunnguanngorlugillu aggukkat Napparsimmavissuup igaffiani atorneerutissapput iijuminarsakkanillu tamuajuminarsakkanillu  taarserneqarlutik. Nerisassat aqitsut pitsaanerulersillugit atorneqaannassapput. Taamaaliornikkut uninngasuni tamuajuminartunik iijuminartunillu nerisaqarnissamik pisariaqartitsisuni nerinermik nuannersutut misigineq annertusissaaq. Igaffimmi tamatigut sassaalliutigeriaannarnik piareersimasuuteqarnissaq suliniutaassaaq. 

  • Sulisunut makku pingaarutilittut ilaatigut ilinniartitsissutaapput:
  • Nerisassat ilisarineqarsinnaanissaat
  • Inuussutissat napparsimasut ilimagisaattut mamassuseqarnissaat
  • Nerisassat immikkoortuisa puuguttami ersarissuunissaat
  • Maluginiutinik uummarissaasinnaanissaat nererusulersitsisinnaanissaallu
  • Napparsimasut nerinerminni toqqissisimanissaat
  • Nerisassat annertussusilerneqarnissaat, qeritinneqarsinnaanissaat sassaalliutigeriaannaanissaat
  • Nukissamik qanoq annertutigisumik pissarsiviusunnaassusaasa napparsimasup pisariaqartitaanik matussusiisinnaanissaat innersuussutinullu naapertuuttuunissaat
     

Ukkassineq immikkoortortani ilassilluarneqarpoq
Pikkorissareernerup kingorna suleqatit suleqatigisartakkallu naapertuuttut igaffimi takutitsinissamut qaaqquneqarput.
Pillorissaasoq Josephine Enggaard Pedersen takutitsinermut atatillugu ima oqarpoq:
Pillorissaasutut igaffissuup nerisassanik iijuminarsakkanik/tamuajuminarsakkanik ukkassinera, maannalu tamualluarsinnaanngitsunut iisiniarnerminnillu ajornartorsiuteqartunut neqeroorsinnaanngornera assut pitsaasuusoq isumaqarpunga. Nerisassat iijuminarsakkat takutinneqartut illinnarlutillu suliarilluagaarpasipput. Napparsimasunut taama ajornartorsiuteqarnertik pissutigalugu uninnganerminni naleqqussakkanik nerisaqarnissamik pisariaqartitsisunut illigisaqarnerulersitsinissaat qularinngilara.
Igaffissuarmiit suliniutip matuma Peqqinnissaqarfimmi iisiniarnermik ajornartorsiuteqarneq pillugu ataatsimut paasinnitariaaseqalernissamik siuarsaaqataasinnaanissaa neriuutigaara. Napparsimasunut isumannaallisaanermik napparsimasullu iluarisimaarinninnerannik annertunerulersitseqataassaaq, Josephine Enggaard Pedersen oqarpoq.

 

 

Josephine Enggaard Pedersen.