Piviusoq
Type 2 – diabetes tassaavoq aap sukkumik akua (glukose) qaffasippallaalersimasoq. Ajorpoq aap sukkumik akua piffissami sivisuallaami annertuallaalersimappat, taamaattoqarneratigut taqqat sianiutillu ajoquserneqarsinnaammata.
Type 2 diabetes pissuteqarpoq qinerseq insuliinimik pilersitsisartoq (Aqajaqqup sanilequtaa - bugspytkirtelip) sananeqaatinik timimik qisuariartitsisartunik hormoni insuliinimik taaneqartartunik naammattunik pilersitsisannginneranik, aamma insulinimik malussajassutsip annikillisimaneranik (timi insuliinimik annertuumik pisariaqartitsisarpoq).
Nappaat kingornuttagaasinnaasarpoq inooriaatsimillu pissuteqarsinnaasarluni.
Nappaammik pisumik nappaatigineqalersinnaasartut
Sukkornerup type 2-p uummatikkut, taqarsuakkut- sianiutitigullu nappaateqalersinnaaneq allisittarpaa. Maani oqaluuseraavut taqarsuaq uummammut qaratsamullu ingerlasoq kiisalu taqaaqqat tartumiittut isiniittullu. Sianiutitigut eqqorneqarnerit timimi sumiiffinni arlaqartuni misigisaqarsinnaassuseqarnerup sanngiillisinneqarneranik takussutissaqartarpoq.
Nappaatit taakku taaneqartarput nappaatit malittaasut imaluunniit type 2 sukkornermik nappaammut ajoqutit/ kingunipiluusartut.
Inooriaatsip allanngortinneratigut aamma/imaluunniit nakorsaatitortarnikkut nappaatinik sukkornikkut pilersinneqartartunik atugaqalersinnaanissamik periarfissat erseqqissumik millisinneqartarput.
Neqeroorutit
Peqqinnissaqarfik siunnersuisinnaavoq inooriaatsinnillu allanngortitsiniarninni tapersersorsinnaavaatit. Aap naqitsinera qaffasippallaarpat katsorsarsinnaavaa, aakkut orsoqarpallaarnerit (kolesterol) aamma aakkut sukkoqarnerit katsorsarsinnaavaa. Nappaateqarnerup malitsigisaanik nappaatit nutaat isiniittut, tartuni, isikkani ilaalu ilanngullugit taamaattoqarneranik misissuiffiginiarlutit neqerooruteqarsinnaapput.
Nakorsaatit atorlugit nakorsaaneq makkuninnga:
Aakkut sukkoqarpallaarneq
Aap sukkoqarpallaarnera katsorsarneqartarpoq nappaatimut malittaasartut pinaveersaartinniarlugit imaluunniit Kinguartinniarlugit aammalu nappammut ilisarnaatit, soorlu qasoqqaneq imerusunnerlu millisinniarlugit.
Katsorsaanermi anguniakkat inummiit inummut assigiinneq ajorput - nalinginnaasumik aap sukkua, ”oqajamaaq” (HbA1c) 7,0 % ataaniitinniarneqartarpoq. Iisartakkat kapuullu (insulin), immikkut imaluunniit akuleriisillugit nakorsaatigineqarsinnaaput.
Aap naqitsinera qaffasippallaaraangat
Aakkut naqitsinerit nakorsaatit atorlugit katsorsaanerit siunertaraat aakkut naqitsinerit illisinneqarnissaat, pissutigalugu aakkut naqitsineqarpallaarneq ajoqutaasinnaasut ilagimmassuk.
Aammi orsoq (kolesterol) angivallaaq
Kolesterolit millisinneqarsinnaanerannut nakorsaatinik katsorsaaneq uummammi qaratsakkullu anaartoorsinnaanernik pinaveersaartinniartarpaa.
Nappaatip killiffianik nakkutiginninneq
Sukkornermik nappaat pisariaqarpoq ukiumut 3-4-riarlugu misissorneqartarnissaa nakkutilliineq siunertaralugu aap naqitsinerata uuttorneqarnissaa, oqimassutsip, naakkut/ qitikkut uuttortinneq aakkullu sukkoqarneq (HbA1c).
Taassuma qaavatigut ukiumoortumik isikkat, qooq misissortinneqartarnissaat, kiisalu ukiut marlukkaarlugit sisamakkaarlugillu isit misissorneqartarnissaat.
Nammineq qanoq iliorsinnaavunga
Type 2-mik sukkorneq amerlanertigut pissuteqartarpoq kingornussamik pigisaqarnermik pualavallaarnerlu ataqatigiisillugit. Pualavallaarneq amerlasuutigut pissuteqartarpoq timimik aalatitsivallaartannginnermik nerivallaartarnermik imerpallaartarnermillu.
Naappaateqarnermik pissuteqartumik nappaatinik allanik peqalersinnaaneq killilerneqarsinnaavoq inooriaatsimik allanngortitsinikkut soorlu pujortartarunnaarnikkut, timinnillu aalatitsilluartunngornikkut, peqqinnarnerusunik nerisalernikkut- imeriaaseqalernikkullu, kiisalu nakorsaatinik pitsaaliuisinnaasunik iisaqartarnikkut ataavartumillu misissortikkiartortarnikkut.
Type 2-mik sukkortuugaanni pingaaruteqarpoq nappaat pillugu ilisimasaqalernissaq, ilisimasaqarneq nappaat atoraluarlugu pitsaanerpaamik atugarisinnaanera pisinnaaniassammat.
Ukiumoortumik influenzamut kapitittarnissaq innersuussutigineqarpoq.
Qanoq iliorsinnaavit?
Nammineq illit qanoq iliorsinnaavit?
Pujortarneq
Peqqinnermut tupatorunnaarneq pissutaasut pingaarnersaannut ilaavoq aamma nappaateqarnerup malitsigisaanik pisartunik nappaateqalersinnaanerup millisinneqarnissaanut.
Pujortarunnaarnissat aallartiguk
Timimik aalatitsisarneq
Timimik aalatitsisarneq ajunngitsuinnarmik oqaluuserineqarsinnaavoq; ilaatigut aakkut sukkoqarpallaarneq millisinneqarsinnaavoq, oqimaassuseq aalakkaasuutinneqarsinnaavoq imaluunniit oqilisinnaanerup periarfissaa annerulersinnaavoq aamma nappaatit nalaanneqariataarsinnaasut pinaveersaartinneqarsinnaapput.
Attaveqarfissaq
Sumiiffinni Inuunerissaavik attavigiuk sumiiffinni peqqissaavik attavigalugu - takuuk attaveqarfissat
Itinerusumik atuarit
”Napparsimasunut ilitsersuut, type 2 – diabetes”
"Sukkortuuguit nerisassat peqqinnartut"
423 KB
”Inuuneq tunissutaavoq – Inuunermi pissutsinut najoqqutassaq”
3,5 MB
aamma Peqqinnissaqarfimmi pissarsiarineqarsinnaapput.