Kræfteqarpunga - Taavami?
Ukiut tamaasa Kalaallit Nunaanni inuit 170 missaat kræfteqalertarput. Kræftip napparsimasoq kisiat eqqorneq ajorpaa aammali ilaqutaasut annertuumik eqqorneqartarput. Kalaallit Nunaanni kræftimik napparsimalersut amerlasuutigut Danmarkimi Københavnimut nakorsartikkiartortarput.
Inuit amerlanerit nappaatinut qanimanartunut eqqorneqannginnissamik misigisimasarput. Inuit pingasuugaangata ataaseq inuunerup ilaani kræfteqalertaraluartoq nalinginnaasumik eqqarsartoqartarpoq sanileraana eqqugaassasoq.
Kræfteqarnermik tusarlerneqarneq taamaammat tuparujussuarfiusarpoq, immaqa piffissami sivitsortumi malugisimagaluarlugu ilungersunartumik ajortoqartoq.
Kræftimik napparsimasut amerlasuut tusarlerneqarnertik piviusuunngitsutullusooq oqaluttuarisarpaat - isiginnaagassiami inuttaasutullusooq. Silarlikkut eqqissisimasutut isikkoqaraluarluni apeqquteqarlunilu ilorlikkut suut tamarmik uivertutut ipput oqaatigineqartullu tusaajunnaarneqarput paasineqarnatillu.
Nalunaarfigineqarnermi qisuariaatit
Kræfteqalernermik nalunaarfigineqarnermi qisuariaatit
· Misigissutsit allanngorarput
· Inuit assigiinngitsut – qisuariaatit assigiinngitsut
· Sooq uanga?
· Allanik oqaloqateqarluni iluaqutaavoq
· Ilaquttat saniatigut allanik ikiortiseqarneq pisariaqarsinnaavoq
· Nuannaannginneq isumatsangaarnerlu misigineqarsinnaapput
· Kisimiittutut misigisoqarsinnaavoq
· Nukittornartunik inuussutissaqarluartunillu nerinissaq pisariaqartinneqalersinnaavoq
Tusarlerneqarnermi qisuariaatit allat pillugit takusinnaavat nittartagaq cancer.dk-mi.
Inuunerup naalernerani?
Eqqarsaatit aamma inuunerup naalerneranut sangutinneqarsinnaapput.
Eqqarsaatit taakku qanoq suliarinissaannut sakkussanik quppersakkami pissarsisinnaavutit:
Inuunerup naalernerni eqqarsatit.
Nappaammik kræftimik akiuiniarfik
Neriuffik tassaavoq nuna tamakkerlugu suliniaqatigiiffik nappaat kræfti akiorniarlugu suliniartuusoq, Neriuffiup nittartagaa uani alakkaruk.