NAPPAAT SUMIIPPA?
Inalukkani.

---

NAPPAAMMUT SUNA PISSUTAAVA?
Quartaq centimeteri  ataaseq missiliorlugu angitigisoq nappaammut pissutaavoq, qaqortuuvoq ujalussiallu silinnerup angeqqataatut silitsigaluni. Quartap mannii, tuniluunnermut pissutaasut, ima mikitigipput allisitsiut atorlugu aatsaat takuneqarsinnaallutik. Tuniluunneq anat aqqutigalugit pisarpoq, ilaqutariinnilu meerartalinni takusaanerulluni. Meeqqat inersimasullu tunillanneqarsinnaapput. Nappaat nalinginnaasorujussuuvoq, uloriananngilluinnarporlu.

---

NAPPAAT QANOQ MALUGISSAVIUK?
Siullertut itikkut ungilatsitsinerujussuaqartarpoq. Annami quartat qaqortut takuneqarsinnaapput, itillu eqqaani.

---

NAPPAAT QANOQ KATSORSARNEQASSAVA?
Inoqutigiinni ataaseq quartappat, taava inoqutigiit tamarmik katsorsarneqassapput. Iisartakkat (VERMOX) atorlugit quartat katsorsarneqartarput, ullullu 14-ikkuutaarlugit iisartagaq ataaseq pineqartassaaq - katillugit pingasoriarluni. Quartat uteqqittuartillugit arfinileriarluni katsorsaasoqartarpoq.

---

NAMMINEQ QANOQ ILIORSINNAAVIT?
Angerlarsimaffimmi eqqiluisaarluarnissaq pingaaruteqarpoq, soorlu assersuutigalugu anartarfimmeereernermi assaat asalluarneqartassapput, imaluunniit meeqqap mikisup uppataannik asattuereernermi.
Nammineq imaluunniit illit meeqqat quartalersimasoq pasitsaakkukku peqqinnissaqarfimmut saaffiginnissinnaavutit.